Liuard, Wiard's Sohn, in Emden verpfändet dem Kloster Langen einen Weidegrund bei Larrelt für 24 Mark.

Nos Lyuardus Wyardisna senior[*] in Emeda universis et singulis presentibus et posteris cupimus fore notum harum nostrarum testimonio literarum publice recognoscentes, quod viginti quatuor marcas recepimus mutuo a domino preposito et conventu suo in Langen, easdem fideliter persolvendo ante festum nativitatis Ihesu Christi proximo affuturum, subpignorantes eisdem pascuam unam sex graminatorum cum dimidio, situatam iuxta Hlerlt, tali adiecta conditione, quod si non satisfecerimus de pecunia prenarrata ante festum supra memoratum, extunc pascua illa cedet dicto conventui iure proprietario perpetuo, titulo empcionis et vendicionis, quodlibet graminatum persolvendo pro quinque marcis, et dictam summam pecunie 24 marcarum computando in sortem solucionis. In cuius rei geste testimonium sigillum nostrum et Frederici filii nostri, nec non sigilla domini Gheraldi vicedecani nostri atque domini Rembodi rectoris ecclesie in Hlerlt sunt appensa. Datum anno Domini M^o CCC^oLVI^o, ipso die et feste sancti Bonifacii martyris et sociorum eius.

x

x

Fonds	Ostfriesisches Urkundenbuch, I
Fol.nr.	S. 74
Nr	77
Olim	Msc. A. 88 Fol. 6.
Jaar	1356
Datumcode	Bonifa

x

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 77