| Nummer:oub0114 | Datum:12. März 1370 | Overlevering:Editie | Vindplaats:Ostfriesisches Urkundenbuch, I, S. 100, nr. 114 |
Zeugniss für das Kloster Langen, dessen Laienbruder Jakob eine im Kloster deponirte, dem Sybeco Omena gehörende Kiste mit Geld gestohlen und sich mit derselben nach Deventer geflüchtet hatte, dass, nachdem der Dieb eingeholt und aufgehängt worden, das Kloster nunmehr den Eigenthümer aus dem bei dem Dieb noch vorgefundenen Gelde befriedigt habe.
Universis et singulis presencia visuris sue audituris Enno rector ecclesie in Gherkiswere nec non Ciricus et Redewardus fratres uterini in Folkardawer[*] salutem atque rei geste cognoscere veritatem.Quoniam omnium habere memoriam plus sit divinitatis quam humanitatis, ideoque ne ea, que fiunt in tempore, simul cum ipso labescant et vilescant, solent in scriptis redigi et sic quodammodo perhennari. Hinc est, quod tenore presencium fideliter recognoscimus publice propalando, quod Sybeco Omena civis ac parrochianus noster de furto pecunie sue in conventu Longhena deposite et per famulum prefati conventus Iacobum nomine nequiter et dyabolo instigante commisso, eundem conventum quitum dimisit atque presentibus dimittit et liberum ab omni impeticione, inquietacione ac molestacione sua et heredum suorum, cum ex eo, quod cistam ad pecuniam suam in ea deponendam a domino preposito cum socio suo Foccone petiit, qui ipsorum precibus benivole et pie annuens cistam unam simul cum clavi protinus accomodavit adiciens, quod pecuniam eorum custodirent sicut melius scirent, sed de periculo seu custodia penitus vellet esse immunis, prout fassi sunt coram nobis ambo in publico, tum ex eo, quod prepositus predictus fratrem Folcardum canonicum suum per multa terrarum spacia ad explorandum dictum malefactorem misit, qui tandem ipsum in Daventria reperiens bona ablata in iudicio repetiit, protestando, quod ad vindictam sanguinis non intenderet, et sic, quod idem malefactor bonam partem pecunie consumpserat, unam partem rehabuit, quam Sybeconi et Focconi domi veniens prompte tradidit, alteram vero partem iudex sibi secundum plebiscita terre retinuit et sepe dictus malefactor suspendio iudicio iusto et bene examinato adiudicatus fuit, prout in litteris super hoc in Davantria confectis plenius elucessit. In cuius robur et testimonium veritatis sigillum domini Ennonis, in quo omnes tres contenti sumus pro presenti negocio presentibus est appensum. Datum anno Domini MoCCCoLXXo, ipso die et feste beati Gregorii pape.
