Die Häuptlinge von Westerhusen erstatten dem Kl. Langen alle demselben widerrechtlich entzogenen Güter ihrer Schwester Dedda, der Gattin des Sibrand Aildisna zu Drewert, zurück.

Liuduardus et Reduardus fratres ac capitales in Westerhusen[*]universis presencia visuris cupimus fore notum, quod cum quondam ad nostram coactionem et violenciam conventuales in Langhena bonis omnibus mobilibus et immobilibus, que fuerant et sunt sororis Dedde, quondam uxoris Sibrandi Ayldisna in Drewerth cesserunt et renunciaverunt in manus Heburgis Mannana et puerorum eius; verum cum res ad illum finem devenit, a quo inicium habere potent et omnibus pueris dicte Heburgis rebus humanis exemptis (sic), nos volentes emendare in melius et corrigere, quod contra Deum ac beatum Iacobum in Langhena minus provide gessimus, nostrasque conscientias in hac parte scropulosas et valde gravatas purificare cupientes, hiis presentibus publice protestamur et coram Deo et hominibus veraciter fatemur, omnia bona mobilia et immobilia predicta qualiacunque, que dicte sororis Dedde sunt et exstiterant ac per nos, ut prefertur, violenter ablata, fore et esse de omni iure conventus iam prefati et ad ius et proprietatem conventus pertinere presentibus declaramus ac promittimus in hiis scriptis, dictum conventum ad prenominata bona adipiscenda et optinenda fovere, confortare et roborare velle in nostris viribus quibus possumus fideliter assistere et adiuvare harum testimonio literarum. Datum sub sigillo Liuduardi predicti et curati ecclesie ibidem anno Domini M^o CCC^o LXXXVI^o, ipso die sanctorum innocentium martyrum.

x

x

Fonds	Ostfriesisches Urkundenbuch, I
Fol.nr.	S. 131
Nr	155
Olim	Orig. Kl. Langen U. 10. — Msc. A. 88 Fol. 26.
Jaar	1386
Datumcode	OmnInn

x

x

x

Commentaar	Nur von dem zweiten Siegel ist ein kleines Bruchstück, die Gestalt eines Geistlichen, erhalten.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 155