| Nummer:oub0190 | Datum:8. April 1403 | Overlevering:Editie | Vindplaats:Ostfriesisches Urkundenbuch, I, S. 162, nr. 190 |
Der Häuptling Rembodus von Gross-Borssum übergiebt seine Tochter Elwera dem Kl. Langen und stattet sie mit einer Präbende aus.
Rembodus capitalis in maiori Borsum[*] universis presencia visuris seu audituris presentibus cupio edocere publice protestando, quod bona deliberacione ac animi mei, cordis corporisque sanitate et pro anime mee meorumque amicorum salute tradidi filiam meam Elweram, eam offerendo ad fratrum et sororum conventus Langhena communitatem, quam dicti conventuales benigne receperunt et in cantando et legendo, si Deus ei annuerit, informare humiliter promiserunt. Cui prebendam ad meam et eorum voluntatem assignavi, videlicet octo graminata cum quarta parte, quorum septem in hamrika Jersum[*] circa aggerem per aqueductum[*] dividens hamrikam Yersum ab Osterhusum[*] in pascua, que communi vocabulo dicta est Reynistfen, et unum cum quarta parte in hamrika Osterhusum inna Cruiscomp[*] sunt situata, talique interiecta condicione, quod si dicta prebenda contigerit ab aliquo amicorum seu aliorum inpugnari seu impediri et dicti conventuales extra vel in iudicio defecerint, dampnum eorum in maiori vel saltem in simili volo adimplere. Et ut ista a memoria hominum non recedant[*], sigillis dominorum, scilicet domini Aggonis et domini Menardi curatorum in Petkum[*] et Bursum feci roborari. Datum anno Domini M CCCC tertio, ipso die Palmarum.
