| Nummer:oub0217 | Datum:18. April 1409 | Overlevering:Editie | Vindplaats:Ostfriesisches Urkundenbuch, I, S. 184, nr. 217 |
Der Dorpater Rath theilt dem Reval‘schen ein über Riga und Elbing eingegangenes Schreiben der zu Lübeck versammelten Hanseatischen Sendeboten vom 14. Februar mit, in welchem, mit Beziehung auf die Wirren in Lübeck, die Kämpfe des Keno tom Brok und der Stadt Hamburg wider die Vitalienbrüder u. s. w., zu einem in Wismar am Sonntage Quasimodogeniti (22. April) zu haltenden Hansetage eingeladen wird.
Ok was uppe deme sulven dage her Almer hemelike rad und pape Kenen, hoevetling[*] to Broke, uns answervende van Kenen wegene vorscreven, dat Kene were komen, alse wi wol wisten, in helpe der stede wedder de Vitalienbroedere und ere entholdere und sine egene geborne vrund und negesten, umme des gemeinen kopmans beste und vorheginge, hadde van landen und luden vordreven und ere slote gevellet mit der stede huelpe, worumme de sulven sine vordrevene vrund, wedder loefte und eede, de se em und den steden gedan hebbet, alse dat wol witlik is, und menet Kenen dar to to drengende, dat he sik wadder van den steden don schole, des Kene doch nenerleie wis meent to donde, he en wil jo den steden mit truwen bistan alle de wile, dat he van den steden nicht wert begeven und vorlaten, over wo dat schude, dat ene de stede vorleten, so moste he sik mit sinen vrunden vordregen, und begeven de stede wedder. Und, leven vrunde, dat dit schude, dat God nichten en wille, dat dar deme kopmanne unvorwinlik schade van enstunde, worumme uns grot behof duchte, hir vurder umme to sprekende under den steden.[*]...
