| Nummer:oub0224 | Datum:Den Haag, 25. März 1410 | Overlevering:Editie | Vindplaats:Ostfriesisches Urkundenbuch, I, S. 188, nr. 224 |
Herzog Wilhelm schliesst auf Vermittelung der Hansestädte mit Keno tom Brok Frieden.
Willem etc. doen cont allen luden, dat wy aengenomen hebben ende aennemen mit desen tegenwoirdigen brieve om beden willen der stede van der Hanze enen steden vasten vreden mit Kenen, hoffling te Broke, ende mit sinen steden, landen ende luden, beyde te water ende te lande voor ons, onsen ondersaten ende voert voor alle die ghene, die om onsen wille doen of laten willen, ende sullen dueren van date dez briefs tot sinte Jacobs daghe toe naistcomende na midzomer; ende geloven desen vrede vast, stede ende onverbroken te houden den tyt voirscreven, sonder arch en list, ende hebben des te getuge onsen segel op desen brieve doen drucken. Gegeven in den Hage op onser Vrouwen dach annunciatio, anno ut supra (1410).
