| Nummer:oub0307 | Datum:27. April 1422 | Overlevering:Editie | Vindplaats:Ostfriesisches Urkundenbuch, I, S. 274, nr. 307 |
Vereinigung zwischen der Stadt Sloten, Junker Ocko tom Brok, Sibet von Rüstringen, der Stadt Groningen, den Umlanden und den Hansestädten.
Wy grietmans ende mederechters ende ghemeene meente in Sloeten doen kond allen luden ende betughen myd dessen brieve, dat wy voir ons enden voir onse vrynden, die om onsen willen doen off laten wyllen, ontheten ende loeven jonker Ocken toe Broek ende syne ondersaten, jonker Sybet in Rustringh ende syn ondersaten ende den borghermeysters, raet ende schepen, hoeftlinghen ende ghemeente mytten Omlanden by Groninghen na ende den hansteden toe holden eyne volkomen soene ende vryntschop tod ewighen daghe onverbrekelik sonder arghelist, ende wy voirscr. (benoemden)[*] ende ons erfghenamen sullen ende willen hiir mede voergheten ende ghansliken voirgheven jonker Ocken, Sybet, Groninghen mytten hansteden voirscr. ende hoeren erfghenamen alle mysvalle, oek wo die in voirtyden ghescheen synt. Dyt orkonde wy myd ons grietmans segels als Jelcka Pekan ende Bentet Rummerts soen, der ons van der meente wol an ghenoghet. Int jaer ons Heren dusend vierhondert twe ende twyntigh, des manendages voir Philippi et Jacobi.
