Der Pfarrer Aynard zu Leer bekundet den Verkauf von Weideland bei Holtgast durch Siuke Wybbens Sohn an die Komthurei Jemgum.

Ik her Aynd kercher tho Hlere, bekenne unde tughe openbaer vor allen luden, dat my dat kundich unde wytlik is, unde darmede hebbe an unde over wesen unnde mede handelet unde dedinghet, dat Siuke Wybben zone to Bolinghusen[*] heft vorkoft unde vorkofte den erliken luden, deme commendure unde conventesluden to Gemgum[*] ene vennen[*] landes van veer voten, [*] de dar licht inne Holtgastmare[*] hemmerke, dar sunte Liudgere heft 2 vote by ligghende by der Sudersyden, Dedde Menninghe 2 vote by der Westersyden, Liutke Syncke unde Mewent 4 vote by der Nordersyden, unde sunthe Liudgere 6 vote by der Ostersyden. Desse vorscr. vennen heft Siuke den vorscr. conventesluden vorkoft vor 40 Gelr. gulden, den gulden tho rekene vor 14 blancken, [*] alze tho der tid ghinghe unde gheve was; welke summen Siuken vorscr. de sulven conventeslude den ersten penning myd deme lesten van stunden an vul, wol unde al betaleden, dar Siuken wol an ghenoghede. Dat dit alzo sy, des hebbe ik myn segel tho ener tuchnisse hanghen laten to dessem breve. Na Godes bort MCCCCXXII, uppe senthe Lucas dach den hilgen ewangelisten.

x

x

Fonds	Ostfriesisches Urkundenbuch, I
Fol.nr.	S. 279
Nr	313
Olim	Nach dem Original. Kom. Jemgum Urk. Nr. 5.
Jaar	1422
Datumcode	Luce

x

x

x

Commentaar	Das Siegel zeigt in einem Dreipass ein kleines gothisches a, mit der Umschrift: S. domini Aynardi plebani.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 313