| Nummer:oub0329 | Datum:28. März 1425 | Overlevering:Editie | Vindplaats:Ostfriesisches Urkundenbuch, I, S. 293, nr. 329 |
Häuptling Sibet von Rüstringen verspricht den Oldenburger Vertrag zu halten, namentlich auch hinsichtlich Golzwardens und der Friedeburg zu erfüllen.
Mynen sunderlichen guden frunden borgermestern ende rade ende gansse ghemenheit der stede tho Bremen vruntlyken gescreven.
Myne vruntlike grote thovorn. Erbern guden frunde, so gy juwe bodesscop unde scrift in vortyden by my ghehat hebben, my unde Ocken der zoene tho volgende unde de tho holdende, so de bynnen Oldenborch twisschen ju unde uns ghededinget waert, des, leven frunde, do ich ju weten, dat Ocke ende ich des eendrechtliken overeen ghecomen zyn, dat wy der sone degher ende all volgen wyllen stede tho holdende, zo de begrepen is, ende willet de vullenten mid den sloten Golsswert ende Vredeborgh, zo vro alze Paschen negest vorby is. Beholden des, dat gi uns vorwissinghe doen juwe hande in de lant tho ewigen tiden nummer tho slande. Oh dat gy ju myd uns vorplychten, of jement were in Butenyaden of Statlande, de sich wolde vorhalen up den anderen van hates weghene eder nydes weghene, der wy nycht bedwynghen mochten, dat gy uns dan bystendich wesen willen na alle juwen vormoghe, de tho bestuerende. Ok dat gy nemande vorkorten willen an synen lyven offte guden, see zyn van Diden[*] frunden, off we ze zyn in Butenyaden offte Statlande, upp dat de copman ende ganse gemenheit des tho vorder dar aen vorwaret moghe wesen. Desses juwe gutlyke antworde weder gescreven. Gescreven under myn secret, feria quarta post Judica.
Sibet hovetlyngh in Rustringhen ende Ostringhen.
Myne vruntlike grote thovorn. Erbern guden frunde, so gy juwe bodesscop unde scrift in vortyden by my ghehat hebben, my unde Ocken der zoene tho volgende unde de tho holdende, so de bynnen Oldenborch twisschen ju unde uns ghededinget waert, des, leven frunde, do ich ju weten, dat Ocke ende ich des eendrechtliken overeen ghecomen zyn, dat wy der sone degher ende all volgen wyllen stede tho holdende, zo de begrepen is, ende willet de vullenten mid den sloten Golsswert ende Vredeborgh, zo vro alze Paschen negest vorby is. Beholden des, dat gi uns vorwissinghe doen juwe hande in de lant tho ewigen tiden nummer tho slande. Oh dat gy ju myd uns vorplychten, of jement were in Butenyaden of Statlande, de sich wolde vorhalen up den anderen van hates weghene eder nydes weghene, der wy nycht bedwynghen mochten, dat gy uns dan bystendich wesen willen na alle juwen vormoghe, de tho bestuerende. Ok dat gy nemande vorkorten willen an synen lyven offte guden, see zyn van Diden[*] frunden, off we ze zyn in Butenyaden offte Statlande, upp dat de copman ende ganse gemenheit des tho vorder dar aen vorwaret moghe wesen. Desses juwe gutlyke antworde weder gescreven. Gescreven under myn secret, feria quarta post Judica.
Sibet hovetlyngh in Rustringhen ende Ostringhen.
