Sibet von Rüstringen, Focko Ukena und ihre Partei unterwerfen sich ebenfalls (vgl. vorige Urkunde) denn Schiedsgerichte von Bremen, Butjadingen und Würsten.

Wy Sybet hovetling in Rustringe, Focke Ukens hovetling tho Hlere, Ude tho Norden, Imel tho Grimelsem, Enne in der Greed, Ymel Hisseken sone, Hidde Kancken, Tadeke Amessen, Wybet tho Stedestorp bekennen unde betughen in. disser scryft, dat wy unsse vrund, partye unde helpere synt ghebleven by deme rade unde der stad tho Bremen unde den radgheven unde den lantluden der lande Butejaden unde Worsten vruntliker schedinge aller schelinge unde twydracht, de twischen uns, juncher Ocken tho Broke, der stad van Groningen, Ocken tho Locwerden, Syben tho Edelsem, Dode Kenssen, Imel Heringes, Reborch unde Ommeken Goltsmede, borghers tho Emeden eren vrenden, helpers unde partyen upghestan synt van der tyd dat disse veyde an stande was twyschen juncher Ocken, syner partyge unde uns wente an desse jeghenwordighen tyd. Unde wes wy van den erghenomeden rade unde lantluden in vruntscap besecht worden, loven wy vorscr. in guden truwen by unssen eren vast, stede unde unvorbroeken tho holdende dar eynes vruntliken daghes up vorramet is, namentliken de vrydach vor Pinxsten neyst tho komende uppe der Jade beneven deme Swyne, [*] den wy holden unde soken scholen unde wyllen, dar wy unsse vrend, partige unde hulpere den vorbenomeden juncher Ocken, de stad van Groningen etc. unde we myt oen eff van orer weghen dar komen wert tho unde aff wal vorwaren wyllen in velicheyt sunder jengherleye arghelist efte behende vunde. Des tho bekantnisse hebbe wy Sybet in Rustringen, Ude tho Norden, Imel tho Grimelsem, Enne in der Greed, Ymel Hisseken sone, Hidde Kancken, Wybet tho Stedestorpe unsse ingheseghele hangen heten an dessen breff, unde umme den, dat wy Focke Ukens unde Taddeke Amessen unsse ingheseghele nu to der tyd nicht by uns en hebben, so hebbe ik Focko vorbenomet Uken mynes sones ingheseghel, unde ih Taddeke Ammessen Hidde Kancken ingheseghel ghebeden mede an dissen breff tho hangende. Datum anno Domini M^o CCCC^o XXVII^o, in festo ascensionis Domini.

x

x

Fonds	Ostfriesisches Urkundenbuch, I
Fol.nr.	S. 314
Nr	349
Olim	Nach dem Orig. im Archive zu Bremen.
Jaar	1427
Datumcode	AscDom

x

x

Commentaar

Siegel: 1. In einem Zweipass ein Engel mit Heiligenschein, einen Wappenschild mit rechtssteigendem Löwen vor sich haltend. Umschrift: S. Sibodi capitalis....str .... - 2. Im Dreipass ein rechtssteigender Löwe, mit der Umschrift: S. Ukonis Fockens in Hlere. - 3. Im Dreipass ein linkssteigender Löwe. S. Udonis capitalis in Norda. - 4. Unter einem Baldachin ein Geistlicher, welcher mit beiden Händen einen runden Schild mit dem fahnentragenden Lamme vor sich hält. Darunter kniet in einer Nische ein betender Geistlicher, das Ganze ist sehr schön gearbeitet. Umschrift: S. Ymelonis capitalisin Grymersum. - 5. Im Wappenschild die Harpyie, darüber einsehe grosser Turnier-Rost-Helm und als Kleinod die Lilie. S. Ennonis capitalis in Norden. - 6. In einem Vierpass ein rechtssteigender Löwe. S. Ymelonis..... - 7. Rechtssehender Adler ... Heddonis.... - 8. In einem Dreipass ein Wappenschild mit rechtssehendem Adler. Umschrift: Sigillum Wiptati in Stedestorp. -9. fehlt.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 349