Der Propst und Häuptling von Emden, Imelo, sagt den Bremern Fehde an, weil sie seine Unterthanen beraubt und gestattet haben, dass Itze tom Brok in Osterstade mit seinen Gesellen Feindseligkeiten ausübt.

Wetet gy borghermestere radmanne unde ghemene meente der stad van Bremen, nadem ik Imel provest unde hovetling to Emeden unde myne frunde vaken unde vele daghe myd ju[*] hebbet untfanghen unde beholden, dar my off mynen borgheren vorscr. nyn bescheet van scheen mach, unde myne unde myner frunde vygende untholden in juwer stad unde spysen de daghelix dar uth, sunderghes in Osterstade, [*] dar Itze[*] syne gheselschapp hefft; unde want ik den eddelen junchern Johanne greven tor Hoyge lever hebbe to synen rechte dan ju to juwen unrechte, so will ik umme desse vorscr, punte myd mynen hulperen unde hulperhulperen juwe vygend wesen unde will ju beschedighen unde beschedighen laten to water unde to lande, daghes unde nachtes, unde will des myne ere wall an ju weten vorwaret. Ghescreven under mynen inghesegel upp sunte Margareten avend, anno Domini M^oCCCC^o XXX^o.

x

x

Fonds	Ostfriesisches Urkundenbuch, I
Fol.nr.	S. 358
Nr	386
Olim	Nach dem Orig. im Archive zu Bremen.
Jaar	1430
Datumcode	vMargar

x

x

Commentaar	Das Siegel zeigt im Vierpass einen rechtssteigenden Löwen, mit der Umschrift: Hysken sone

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 386