| Nummer:oub0436 | Datum:29. Aug. 1434 | Overlevering:Editie | Vindplaats:Ostfriesisches Urkundenbuch, I, S. 398, nr. 436 |
Der Rath von Hamburg antwortet dem Erzbischof von Köln, dass er nicht abgeneigt sei, mit dem Bischof von Münster zu einer Tagfahrt zusammen zu kommen , um wegen Emden und Imelo zu berathen.
Reverendissimo in Christo patri et domino domino Theoderico archiepiscopo Coloniensi ac Angarie et Westphalie duci, domino nostro gracioso.
Unsem vruntliken denst ind begeringe alles guedes tovoren. Eirwerdigester in Gode vader, genedige lieve here. Juwer herlicheit brieve uns gesant ynneholdende, woe die eirwerdige in Gode vader her Henrick bisschop to Monster, juwe lieve broder, unse gunstige here, in aver geschreven hebbe, menende wij scholen eme Imelen sijnen dienre und knecht mit Emeden qwijt wedder stellen an syne hande eder to dage dairomme komen uppe stede in der voegen, soe sick dat twisschen synen gnaden und uns gebore, ere und rechtes to plegende etc. hebbe wij gutliken untfangen und mit meer worden waill vernomen. Begeren wij uwen gnaden denstliken weten, dat wij deme genanten juwen broder unsseme gunstigen heren fruntligen dage uppe legelike tyd und stede, dair wij und unse frunde aff und to in velicheit unbesorget komen moegen nicht willen weigeren, wo uns to voren so tijdigen dat vorkundiget werde, dat wij uns dair na mogen weten tho richtende. Juwe frunlike herlicheit starke God almechtich selichliken und gesont alle tijd over uns bedende. Screven des sonnendages na sente Bartholomei under unsen stad secrete; anno etc. XXXIIIIo.
Consules Hamburgenses.
Unsem vruntliken denst ind begeringe alles guedes tovoren. Eirwerdigester in Gode vader, genedige lieve here. Juwer herlicheit brieve uns gesant ynneholdende, woe die eirwerdige in Gode vader her Henrick bisschop to Monster, juwe lieve broder, unse gunstige here, in aver geschreven hebbe, menende wij scholen eme Imelen sijnen dienre und knecht mit Emeden qwijt wedder stellen an syne hande eder to dage dairomme komen uppe stede in der voegen, soe sick dat twisschen synen gnaden und uns gebore, ere und rechtes to plegende etc. hebbe wij gutliken untfangen und mit meer worden waill vernomen. Begeren wij uwen gnaden denstliken weten, dat wij deme genanten juwen broder unsseme gunstigen heren fruntligen dage uppe legelike tyd und stede, dair wij und unse frunde aff und to in velicheit unbesorget komen moegen nicht willen weigeren, wo uns to voren so tijdigen dat vorkundiget werde, dat wij uns dair na mogen weten tho richtende. Juwe frunlike herlicheit starke God almechtich selichliken und gesont alle tijd over uns bedende. Screven des sonnendages na sente Bartholomei under unsen stad secrete; anno etc. XXXIIIIo.
Consules Hamburgenses.
