| Nummer:oub0506 | Datum:Esens. 8. Febr. 1439 | Overlevering:Editie | Vindplaats:Ostfriesisches Urkundenbuch, I, S. 449, nr. 506 |
Notariatsinstrument über die seitens des Sywert Syboltssoen erfolgte Schenkung des Grundstücks Ettenland an das Kloster Marienkamp.
In nomine Domini. Amen. Anno nativitatis eiusdem millesimo quadringentesimo tricesimo nono, indictione secunda, die octava mensis Februarii, hora Nonarum vel quasi, pontificatus sanctissimi in Christo patris ac domini, domini nostri Eugenii divina providencia pape quarti, anno octavo, in mei notarii publici testiumque infrascriptorum ad hoc specialiter vocatorum presencia personaliter constitutus discretus vir Sywert Sybaltssoen validus corpore et sanus mente, non dolo seductus nec fraude circumventus, sed sponte, libere, scienter et deliberato animo, matura deliberacione prehabita pro se et suis heredibus cessit, dedit atque donavit pure et simpliciter propter Deum ac ob remedium et salutem anime sue suarumque parentum in testamentum perpetuum resignavit honorabili ac religioso domino priori suisque conventualibus monasterii campi beate Marie virginis prope Ezens situati, partium Oestfrisie, ordinis canonicorum regularium, Bremensis dyocesis, omne ius, quod sibi competiit sive competere posset in futurum, in quodam prato Ettenlant vulgo[*] nuncupato, prope Merghens in parte orientali situato, quod sibi per mortem pie recordacionis Ynkonis Beven quondam iure hereditario successit, domino priore ibidem presente et huiusmodi donacionem per stipulacionem solempnem recipiente ad habendum, tenendum, possidendum et quicquid sibi et suis conventualibus placuerit de cetero faciendum pro se et suis heredibus licenciam omnimodam tradidit et liberam potestatem. Super quibus omnibus et singulis memoratus prior nomine ipsius et suorum conventualium petiit a me notario subscripto sibi unum vel plura fieri instrumentum seu instrumenta. Acta sunt hec in cimiterio parrochialis ecclesie Ezens antedicte ante ianuam chori, sub anno, indictione, die, mense, hora, pontificatu, quibus supra; presentibus honorabilibus et discretis viris ac dominis Hayng et Eylardo concuratis prefate ecclesie, Johanne Twistranck necnon Johanne custode eiusdem ecclesie, Bremensis dyocesis, testibus ad premissa vocatis specialiter et rogatis.
Et ego Johannes Mercatoris, clericus Bremensis, publicus imperiali auctoritate notarius, quia premissis omnibus et singulis, dum sic ut premittitur agerentur et fierent una cum prenominatis testibus presens interfui eaque onmia et singula sic fieri vidi et audivi, ideo hoc presens publicum instrumentum manu mea propria scriptum exinde confeci, subscripsi, publicavi et in hanc publicam formam redegi signoque et nomine meis solitis et consuetis signavi rogatus et requisitus in fidem et testimonium omnium premissorum.
Et ego Johannes Mercatoris, clericus Bremensis, publicus imperiali auctoritate notarius, quia premissis omnibus et singulis, dum sic ut premittitur agerentur et fierent una cum prenominatis testibus presens interfui eaque onmia et singula sic fieri vidi et audivi, ideo hoc presens publicum instrumentum manu mea propria scriptum exinde confeci, subscripsi, publicavi et in hanc publicam formam redegi signoque et nomine meis solitis et consuetis signavi rogatus et requisitus in fidem et testimonium omnium premissorum.
