| Nummer:oub0524 | Datum:Juni 1441 | Overlevering:Editie | Vindplaats:Ostfriesisches Urkundenbuch, I, S. 464, nr. 524 |
Ino Kankena schreibt an Hayo Harldes in Betreff der Fehde mit Edzard von Greetsiel.
An mynen leven broder Haya Harldes vruntlike ghescreven.
Brodelyke leve tho allen tyden byreyt. Weten zal gy, leve broder, dat (ik nachtet) hebbe to Werdum unde wolden my nycht lyden to Ezenze to dem ersten, men darna senden ze my tue warhafthege mannes de(r menh)eyt, unde Maurycius nu thoor tyt lygghende tho Ezenze, dat ik dar (by em)2) queme, unde dat sulve hebbe yk daen. Vortmer do yk ju wytlik, leve broder, dat uns enckede tydyngghe komen ys van Edtzerde, dat he uns by Suke (?) saken wyl myt al syner macht, darumbe so bydde wy ju, dat ghy so wyllen utkundeghen tho perde, den tyo vothe myt 4 daghe kost, al den ghennen, de umbe unsen wyllen den aller Vrysen doen edder laten wyllet, sullen komen by uns tho Ezenze mytter hast, wenthe al unse dyent unde vordervent steyt darup, als ghy dat wol wethen; item ock al de schutten, dar ghy kryghen kunnen in en ander loghe, unde de noch synt myt ju, de sendet uns, item myn perdt unde ranske, [*] dat sendet my, als ghy erst kunnen. Ghescreven under mynen inghesegel Inyke Tannen, van my
Inyke Tannen.
Brodelyke leve tho allen tyden byreyt. Weten zal gy, leve broder, dat (ik nachtet) hebbe to Werdum unde wolden my nycht lyden to Ezenze to dem ersten, men darna senden ze my tue warhafthege mannes de(r menh)eyt, unde Maurycius nu thoor tyt lygghende tho Ezenze, dat ik dar (by em)2) queme, unde dat sulve hebbe yk daen. Vortmer do yk ju wytlik, leve broder, dat uns enckede tydyngghe komen ys van Edtzerde, dat he uns by Suke (?) saken wyl myt al syner macht, darumbe so bydde wy ju, dat ghy so wyllen utkundeghen tho perde, den tyo vothe myt 4 daghe kost, al den ghennen, de umbe unsen wyllen den aller Vrysen doen edder laten wyllet, sullen komen by uns tho Ezenze mytter hast, wenthe al unse dyent unde vordervent steyt darup, als ghy dat wol wethen; item ock al de schutten, dar ghy kryghen kunnen in en ander loghe, unde de noch synt myt ju, de sendet uns, item myn perdt unde ranske, [*] dat sendet my, als ghy erst kunnen. Ghescreven under mynen inghesegel Inyke Tannen, van my
Inyke Tannen.
