| Nummer:oub0627 | Datum:15. Juni 1450 | Overlevering:Editie | Vindplaats:Ostfriesisches Urkundenbuch, I, S. 546, nr. 627 |
Zur Verhandlung auf der Tagfahrt in Oldenburg zur Schlichtung des Streites zwischen Edo Boinges und Sirk zur Friedeburg einerseits und Lubbo Onken und Tanno Duren andererseits bevollmächtigt der Rath von Hamburg die von Bremen dorthin gehenden Sendeboten.
Wii borgermestere unde radmanne to Hamborgh bekennen unde betugen openbare vor allesweme, alse de ersamen unsse frunde de rad der stad Bremen unde wii twisschen Eden Boynges, Cirk tor Fredenborg tome enen, Lobben Onneken unde Thanne Dueren tome anderen dele, enes daghes, dar wii se in eren twidrachten enttweyglegghen unde vorscheden wolden, alse se der bii uns sind gebleven, hebben vorramet des donnrsdaghes na sunte Viti[*] daghe binnen Oldenborg in der herberghe to wesende, dar doch Ede unde Cirk sulves, alse en gescreven was, vulmechtich nicht komen, men sendeboden schicken willen, des hebben wy mechtich gemaket unde maket mechtich mit craft desses brefves den ghennen, den de obgenante unsse frunde van Bremen to deme dage schickende werden, de vorbenomden beiden parte to horende, machtbreve to zeende, redelike sake, worumme wy unsse sendeboden up desse vorscr. tid nicht schicken, to segghende, unde hir vorder ane to donde unde latende, also ome redelick unde van noden duncket wesen, unde wy willen van werde holden, wes up desse tid in desser sake van ome werd vorhandelt.
Des to ener tuchnisse hebben wy unsser stad secret hetes drucken up dessen bref. Na der bord Cristi verteinhundert in deme veftighesten jare, in sunte Viti des hillighen mertelers daghe.
Des to ener tuchnisse hebben wy unsser stad secret hetes drucken up dessen bref. Na der bord Cristi verteinhundert in deme veftighesten jare, in sunte Viti des hillighen mertelers daghe.
