| Nummer:oub0640 | Datum:3. Juli 1451 | Overlevering:Editie | Vindplaats:Ostfriesisches Urkundenbuch, I, S. 557, nr. 640 |
Die Häuptlinge von Grimersum und Larrelt und der Propst von Hinte verkaufen dem Kl. Dykhusen 7 Grase bei Visquard.
Nos Ymelo capitalis in Grymersum, Aylwardus prepositus in Hinte, Fredericus de Pectum capitalis in Hlerlte, universis et singulis presencia visuris, lecturis et audituris cupimus fore notum publice protestando per presentes, quod deliberacione matura previa vendimus religiosarum sororum conventui in Dichuesen, [*] ordinis beati Dominici, sex graminata terre fenilis, vulgariter nominata Lemdopbar seu Folpmerse sex gieris (sic), [*] situata aput predia curati in Fyskwert, et unum graminatum terre ruralis, situatum inda longa Nochtica, pro quadam[*] pecunie summa nobis ad voluntatem plene soluta;[*] dantes igitur ipsis conventualibus presentibus et futuris ipsa predicta septem graminata libere possidendi, permutandi, vendendi et alias cum eisdem nostra nostrorumque successorum qualibet cessante contradictione[*] vel obstaculo, prout ipsis visum fuerit ad libitum voluntatis earum disponendi. In premissorum fidem et testimonium nos Ymelo, [*] Aylwardus et Fredericus premissi sigilla nostra duximus appendenda. Datum anno Domini millesimo quadringentesimo quinquagesimo prima, crastina visitacionis beate Marie virginis.
