| Nummer:oub0679 | Datum:8. Okt. 1454 | Overlevering:Editie | Vindplaats:Ostfriesisches Urkundenbuch, I, S. 594, nr. 679 |
Häuptling Ulrich dankt dem Rathe zu Groningen für die Vereitelung eines auf Groninger Gebiete gegen ihn gerichteten Anschlags und theilt, indem er um Abhülfe bittet, andere ihm bekannt gewordene Uebergriffe Groninger Unterthanen usw. mit.
Denn ersamen wisen luden, borgemeisteren und raed tho Groningen, minen besunderen guden frunden, geschreven.
Ersame gude frunde. Willet weten, wo ick ervaren hebbe, dat dar ein selschap tho den Damme[*] was versamlet, und dachten ein schiff uththoredende mede to roven in myner frunden argeste, datt gi verstored hebben: Des ick yuwer leve seher hoechliken dancke, und dencke datt tho allen tiden in geliken offte in groteren saken mid yu tho verschulden. Ock, guden frunde, so is my tho weten worden, datt Focko Sipkens und Etsche tho Oterdum[*] hebben aver die Emse gewesen und brochten aver peerde und ander guedt, datt sie myne undersaten hebben gestolen, als de verer tho Oterdum wol wittlick is, die sie aver plecht tho bringen, und Ike up ten Ziil[*] untholt sodane selschap vorsch. in siner herberge, wanneer se kamen beide Brungers knecht, und ander lude, so gi em wol affvragen mogen. Vorder so hebben olde Imelo, Eggho tho Westewolde und Brunger einen dach tho Farmsum geholden uppe myn argeste. Bidde mitt gantzem vlite vrundtliken van yu begehrende, sodane handlinge, als vorschreven is, tho vorstorende, und Brunger tho underwisende, datt sine knechte den mynen datt ehre laten in sodaner wise, als unse affschedinge was, do gi latest tho Emden wehren. Dar ick my tho allen tiden truweliken na will richten, und bidde des guetliken yuwer beschreve antwordt. Gode siitt salichliken bevolen.
Geschreven under myn secret, up sunte Dionysien avent, anno etc. LIIIIo.
Ulrick to Norden, Broeckmerlandt, Emeden, Esense, Awerke unde Lengen hoefftl.
Ersame gude frunde. Willet weten, wo ick ervaren hebbe, dat dar ein selschap tho den Damme[*] was versamlet, und dachten ein schiff uththoredende mede to roven in myner frunden argeste, datt gi verstored hebben: Des ick yuwer leve seher hoechliken dancke, und dencke datt tho allen tiden in geliken offte in groteren saken mid yu tho verschulden. Ock, guden frunde, so is my tho weten worden, datt Focko Sipkens und Etsche tho Oterdum[*] hebben aver die Emse gewesen und brochten aver peerde und ander guedt, datt sie myne undersaten hebben gestolen, als de verer tho Oterdum wol wittlick is, die sie aver plecht tho bringen, und Ike up ten Ziil[*] untholt sodane selschap vorsch. in siner herberge, wanneer se kamen beide Brungers knecht, und ander lude, so gi em wol affvragen mogen. Vorder so hebben olde Imelo, Eggho tho Westewolde und Brunger einen dach tho Farmsum geholden uppe myn argeste. Bidde mitt gantzem vlite vrundtliken van yu begehrende, sodane handlinge, als vorschreven is, tho vorstorende, und Brunger tho underwisende, datt sine knechte den mynen datt ehre laten in sodaner wise, als unse affschedinge was, do gi latest tho Emden wehren. Dar ick my tho allen tiden truweliken na will richten, und bidde des guetliken yuwer beschreve antwordt. Gode siitt salichliken bevolen.
Geschreven under myn secret, up sunte Dionysien avent, anno etc. LIIIIo.
Ulrick to Norden, Broeckmerlandt, Emeden, Esense, Awerke unde Lengen hoefftl.
