| Nummer:oub0717 | Datum:13. Sept. 1457 | Overlevering:Editie | Vindplaats:Ostfriesisches Urkundenbuch, I, S. 625, nr. 717 |
Die Häuptlinge Haro und Aild zu Hinte vertragen sich mit dem Häuptling Aild Beninga zu Grimersum, in Betreff ihrer Erbgüter, namentlich des Osterhuser Heerdes.
Wytlyck unde kundich sy allen erbaren goden luden, de dessen breeff zeen edder horen lezen, wo wy Hare und Ayldt, broders unde hovetlynge to Hynte, hebben ein schedynghe ghemaket tuschen Ayldt Benynga, hovetlyng to Grymersum, van erfnysghe wegen, de uns anarvet is, alze tho Kanyghusen van uns oldemoder erve unde Hyma Ytzenghe salyger gedechtenisse, uthgescheden ende vortan wat daer is van Oesterhuser heerdt, in Ezenhuser[*] hamryck, in Suderhuser hamryck, dat schulde ick Ayldt Benynghe vorscr. Hare unde Ayldt, broders to Hynte, vry unde quyt hoer erven to erven, voer my unde mynen erfnamen. Hyr an unde aver syndt gewest heer Enno, karchere to Hynte, Bene, provest to Uttum. In eyn oerkunde desser waerheyt, so zynt desse breve twe van eyner handt ghescreven myt vulkomen unsen wyllen. Anno Domini LVIIo, ghescreven up des hyllygen cruces avent, [*] unde dat ene breef uth den anderen ghesneden etc. Oeck so scelden wy Haro unde Ayldt unsen oem to Grimersum vry unde quyt de erve, de syndt gelegen to Wyrdum, to Grymersum van unse oldemoder erve, unde to Pevsum unde to Vysquardt, van Oesterhuser herdt tgegen den halven herdt unde erve to Lherlte.[*] etc.
