| Nummer:oub0813 | Datum:11. Okt. 1464 | Overlevering:Editie | Vindplaats:Ostfriesisches Urkundenbuch, I, S. 704, nr. 813 |
Der Rath von Groningen schreibt an Lübeck, er habe auf das dortige Schreiben und auf mündlichen Vortrag Hansescher Bevollmächtigter wegen der von Junker Sibo fortgenommenen Hanseschen Schiffe auf der Knock mit den Abgesandten Junker Ulrich’s verhandeln lassen, und theilt das Resultat der Tagfahrt mit.
Den ersamen ende wysen heren borgermesteren ende raed der stad Lubeke onsen besunderen guden gunstigen vrunden.
Recepta XXII. Octobris anno LXIIII.
Ersamen gueden vrenden ende heren. So ghy ans gescreven hebben van twen schepen, die juncker Sybe hoefftlingk etc. etlike sine dienre ende ondersaten myt den inhebbende guederen upgenomen solden hebben, die etlike juwe raedeskumpanen, borgere ende koeplude van der Dueschen hanze tobehorende solden wesen, begerende van onser vrentliken myt todaet juncker Olrickes etc. myt ons muntlike botscap edder fruntlike scryffte guetliken vorforderen ende bearbeiden wolden, dat den vorg. oere schepe ende guedere onbehindert ende ongedielt weder gekiert mochte werden, myt anderen woerden daerynne begrepen, hebben wy, besunderen guede vrende ende heren, guetliken ontfangen ende wall verstaen. So ist, guede vrende, dat by ons sint gewest die olderman myt den secretario ende sommyge koeplude van der Duescher hanze, ende hebben ons dat selve oick myt beclage to kennen gegeven, dat ons zier liet van ganssen herten is, ende hebben juwe ersamheiden ende den gemenen koepman to lieve datselve an den voerg. ersamen juncker Olricke hoefftling etc. guetliken myt onderrichtinge na begeerte der vorg. koeplude ende personen verscreven, myt en in synre tegenwordicheit muntliken dairaff oversprekende, die ons guetliken na onse begeerte ene maelstad ende stunde betiekent ende weder gescreven hevet, by ons ende den koepman to komen, nameliick ter Knocken[*] gehieten, daer wy twe onse raedesgesellen myt den vorg. koepman, up stede ende stonde ons betiekent, gesand ende gehad hebben, en tegen des voerg. juncker Olrickes vulmachtigen zendeboden muntlike van der sake sprekende ende tractirende myt vlyte van wegen des koepmans. So hebben sommyge personen vulmachtich van den koepman, so wy in der waerheit verstaen, utgesand twe van den schepen myt den besten guede, gekofft voer vyffhundert Rinssche gulden, ende een vat salpieters, eer der tiit onse vrende myt den koepman den vorg. dach holdende waren, daer doch nochtans wy so veer voer gewest sint na onser macht, so wy mochten, dat selve de juncker myt vlyte oick gedaen hevet. Men alze wy verstaen van den koepman selven, so hebben sie desse vorg. twe schepe myt den guede als vorscr. in gekofft, in sulken vorwerden, dat de koepman de schepe in oere walt hebben ontfangen up den koep ende loffte, ende sullen daer quiitancien van geven onder onser stad zegell, sie noch de gene, die de guedere angaende sint, vorder met omme to saken, daer ziick de vorg. juncker Sybe anholdende is ende der loffte niet affstaen en wyll, om bede wylle juncker Olrickes off onser begeerte, daer wy myt ganssen harten ynnehebben laten arbeiden so vele in ons is; mochten wy, lieven heren ende vrendes, juwe ersamheiden ende den koepman yergent in redeliken saken, in dessen ende anderen vorder to wyllen wesen, sullen ghy ons guetwillich ynne vinden. God spare juwe ersamheiden gesunt tot langen tiiden. Ghescreven onder onser stad secreet, des donredages na Gereonis ende Victoris martyrum, anno etc. LXIIII.
Borgermestere ende raed der stad van Groningen.
Recepta XXII. Octobris anno LXIIII.
Ersamen gueden vrenden ende heren. So ghy ans gescreven hebben van twen schepen, die juncker Sybe hoefftlingk etc. etlike sine dienre ende ondersaten myt den inhebbende guederen upgenomen solden hebben, die etlike juwe raedeskumpanen, borgere ende koeplude van der Dueschen hanze tobehorende solden wesen, begerende van onser vrentliken myt todaet juncker Olrickes etc. myt ons muntlike botscap edder fruntlike scryffte guetliken vorforderen ende bearbeiden wolden, dat den vorg. oere schepe ende guedere onbehindert ende ongedielt weder gekiert mochte werden, myt anderen woerden daerynne begrepen, hebben wy, besunderen guede vrende ende heren, guetliken ontfangen ende wall verstaen. So ist, guede vrende, dat by ons sint gewest die olderman myt den secretario ende sommyge koeplude van der Duescher hanze, ende hebben ons dat selve oick myt beclage to kennen gegeven, dat ons zier liet van ganssen herten is, ende hebben juwe ersamheiden ende den gemenen koepman to lieve datselve an den voerg. ersamen juncker Olricke hoefftling etc. guetliken myt onderrichtinge na begeerte der vorg. koeplude ende personen verscreven, myt en in synre tegenwordicheit muntliken dairaff oversprekende, die ons guetliken na onse begeerte ene maelstad ende stunde betiekent ende weder gescreven hevet, by ons ende den koepman to komen, nameliick ter Knocken[*] gehieten, daer wy twe onse raedesgesellen myt den vorg. koepman, up stede ende stonde ons betiekent, gesand ende gehad hebben, en tegen des voerg. juncker Olrickes vulmachtigen zendeboden muntlike van der sake sprekende ende tractirende myt vlyte van wegen des koepmans. So hebben sommyge personen vulmachtich van den koepman, so wy in der waerheit verstaen, utgesand twe van den schepen myt den besten guede, gekofft voer vyffhundert Rinssche gulden, ende een vat salpieters, eer der tiit onse vrende myt den koepman den vorg. dach holdende waren, daer doch nochtans wy so veer voer gewest sint na onser macht, so wy mochten, dat selve de juncker myt vlyte oick gedaen hevet. Men alze wy verstaen van den koepman selven, so hebben sie desse vorg. twe schepe myt den guede als vorscr. in gekofft, in sulken vorwerden, dat de koepman de schepe in oere walt hebben ontfangen up den koep ende loffte, ende sullen daer quiitancien van geven onder onser stad zegell, sie noch de gene, die de guedere angaende sint, vorder met omme to saken, daer ziick de vorg. juncker Sybe anholdende is ende der loffte niet affstaen en wyll, om bede wylle juncker Olrickes off onser begeerte, daer wy myt ganssen harten ynnehebben laten arbeiden so vele in ons is; mochten wy, lieven heren ende vrendes, juwe ersamheiden ende den koepman yergent in redeliken saken, in dessen ende anderen vorder to wyllen wesen, sullen ghy ons guetwillich ynne vinden. God spare juwe ersamheiden gesunt tot langen tiiden. Ghescreven onder onser stad secreet, des donredages na Gereonis ende Victoris martyrum, anno etc. LXIIII.
Borgermestere ende raed der stad van Groningen.
