| Nummer:oub0919 | Datum:Trier, 28. Okt. 1473 | Overlevering:Editie | Vindplaats:Ostfriesisches Urkundenbuch, II, S. 17, nr. 919 |
Kaiser Friedrich beruhigt die Gräfin Theda über die ihm geklagten Besorgnisse wegen des angeblich bevorstehenden Feldzuges des Herzogs Karl von Burgund wider Westfriesland, aus dem sie Schaden für ihr Gebiet befürchtet.
Der edeln unnser lieben andechtigen Theda, grevin in Ostfrieslannde.
Friderich von Gotts gnaden Romischer keyser, zu allenn zeitten merer des reichs etc. Edle andechtige. Als du uns yetzo durch dein botschafft berichtet hast, wie du versteest, daz der hochgebornn unser lieber oheim und furste Karle, hertzog von Burgundi etc., wider die Westfriessen furnemen zu thun in ubung sey, die dir und deiner grafschafft daselbs zu mercklichem schaden gedeyhen mochten, und darauf gebetten dich in solichem gnediglich zu fursehen, lassen wir dich wissen, daz noch der sachen halben von dem obgemelten unserm oheim von Burgundi nichts an uns gelannget ist, uns auch nit versehen, daz er darinn einicherley furnemen werd; ob aber ichts gegen dir zu abbruch uns und dem heiligen reich furgenomen oder gesonnen wurde, das wellest uns anlanngen lassen, alsdann wellen wir allen vleiss an keren, damit du als uns und des heiligen reichs underthan solichs mogest vertragen bleiben. Datum zu Trier, an sannd Symon und Judas tag der heiligen zwelf potten, anno Domini etc. LXXIIIo, unnsers keyserthumbs im zwey und zweinzigisten jare.
Ad mandatum domini imperatoris.
Friderich von Gotts gnaden Romischer keyser, zu allenn zeitten merer des reichs etc. Edle andechtige. Als du uns yetzo durch dein botschafft berichtet hast, wie du versteest, daz der hochgebornn unser lieber oheim und furste Karle, hertzog von Burgundi etc., wider die Westfriessen furnemen zu thun in ubung sey, die dir und deiner grafschafft daselbs zu mercklichem schaden gedeyhen mochten, und darauf gebetten dich in solichem gnediglich zu fursehen, lassen wir dich wissen, daz noch der sachen halben von dem obgemelten unserm oheim von Burgundi nichts an uns gelannget ist, uns auch nit versehen, daz er darinn einicherley furnemen werd; ob aber ichts gegen dir zu abbruch uns und dem heiligen reich furgenomen oder gesonnen wurde, das wellest uns anlanngen lassen, alsdann wellen wir allen vleiss an keren, damit du als uns und des heiligen reichs underthan solichs mogest vertragen bleiben. Datum zu Trier, an sannd Symon und Judas tag der heiligen zwelf potten, anno Domini etc. LXXIIIo, unnsers keyserthumbs im zwey und zweinzigisten jare.
Ad mandatum domini imperatoris.
