| Nummer:oub1028 | Datum:20. Jan. 1480 | Overlevering:Editie | Vindplaats:Ostfriesisches Urkundenbuch, II, S. 113, nr. 1028 |
Die Häuptlinge von Jever, Edo Wiemken und Iko, benachrichtigen den Rath zu Lübeck, dass sie mit Holland eine Fehde beginnen werden, und bitten, die dortigen Kaufleute zu veranlassen, mit den Holländern keine Gemeinschaft zu pflegen, widrigenfalls sie für etwaige Beschädigungen derselben nicht einstehen können.
Den ersamen voersichtighen unde beschedenen borgermesteren unde ghemenen radesheren der stad Lubeecke, unsen gunstigen guden frunden fruntliken screven.
Recepta ultima die mensis Januarii, anno etc. LXXX.
Unsen vruntlyken groet mit vormogen alles guden tovoren. Erssamen vorsichtigen unde beschedenen guden frunde. Gij moghen villichte wol eer gehoret hebben, wodan dreplyker swaren schaden, homoet, averlast unde ungeloven de Hollanders unsen olderen in eertyden gedaen hebben buthen jengerley eeren reden eder recht, welcker schaden, hoemoet, averval unde ungeloven unse vader salliger dachtnisse tovoren unde wij na hebben vorscreven unde vorclaghet an heren, steden unde vrunde oestwart unde westwart, de unser in rechtfeerdigen zaken wol mechtich syn, dat den de gen. Hollanders gar weynich andregen eder achten unde uns nenerley gelyck vor ungelijck reden; worumb dencken wij myt unsen medehulperen de vorgerorden Hollandern to hatende unde to veydende to water unde tho lande, so langhe uns reden unde recht van oen wederfaren mach, unde zynt zeere andachtigen begeerene, gij juwen kopman underrichten, de mit den Hollandern nene menginge orer guder tor see maken, wente God weth wij deme Oesterschen koepmanne node wolden hinderlick syn, meer konden wij oen mit dem besten vorderen, wolden wij mit allen vlyte gerne doen. Dusses, ersamen unde voersichtighen guden vrunde, in unse andachtige begeer van juw to weten oft unse schepe unde volck van wedersnoeth eder anderem gevelle qwemen, dar gij oer de juw orer mechtich weren, wess wy uns deshalven tho juw vorseen mochten, nachteme wij nemande dencken eder willen beschedighen den unse apenbair ontsechten vyande, dess wij uns vorhopen myt eren unde rechte doen; wess wij uns unde de unse desshalven to juw vorseen moghen, begeren wij juw bescreven antwort bij dessem jegenwordighen baden. Mochten wij juw eder den juwen wormede to willen wesen, deden wij mit allen vlyte gerne, irkenne God, de juw ersamheyt spare sallich unde gesund to langen tijden. Screven under unser eyns ingesegel, ame dage sancti Fabiani et Sebastiani, anno Domini etc. LXXXo.
Ede Wymeken und Iko gebrodere, to Jever etc. hovetlinge.
Recepta ultima die mensis Januarii, anno etc. LXXX.
Unsen vruntlyken groet mit vormogen alles guden tovoren. Erssamen vorsichtigen unde beschedenen guden frunde. Gij moghen villichte wol eer gehoret hebben, wodan dreplyker swaren schaden, homoet, averlast unde ungeloven de Hollanders unsen olderen in eertyden gedaen hebben buthen jengerley eeren reden eder recht, welcker schaden, hoemoet, averval unde ungeloven unse vader salliger dachtnisse tovoren unde wij na hebben vorscreven unde vorclaghet an heren, steden unde vrunde oestwart unde westwart, de unser in rechtfeerdigen zaken wol mechtich syn, dat den de gen. Hollanders gar weynich andregen eder achten unde uns nenerley gelyck vor ungelijck reden; worumb dencken wij myt unsen medehulperen de vorgerorden Hollandern to hatende unde to veydende to water unde tho lande, so langhe uns reden unde recht van oen wederfaren mach, unde zynt zeere andachtigen begeerene, gij juwen kopman underrichten, de mit den Hollandern nene menginge orer guder tor see maken, wente God weth wij deme Oesterschen koepmanne node wolden hinderlick syn, meer konden wij oen mit dem besten vorderen, wolden wij mit allen vlyte gerne doen. Dusses, ersamen unde voersichtighen guden vrunde, in unse andachtige begeer van juw to weten oft unse schepe unde volck van wedersnoeth eder anderem gevelle qwemen, dar gij oer de juw orer mechtich weren, wess wy uns deshalven tho juw vorseen mochten, nachteme wij nemande dencken eder willen beschedighen den unse apenbair ontsechten vyande, dess wij uns vorhopen myt eren unde rechte doen; wess wij uns unde de unse desshalven to juw vorseen moghen, begeren wij juw bescreven antwort bij dessem jegenwordighen baden. Mochten wij juw eder den juwen wormede to willen wesen, deden wij mit allen vlyte gerne, irkenne God, de juw ersamheyt spare sallich unde gesund to langen tijden. Screven under unser eyns ingesegel, ame dage sancti Fabiani et Sebastiani, anno Domini etc. LXXXo.
Ede Wymeken und Iko gebrodere, to Jever etc. hovetlinge.
