| Nummer:oub1042 | Datum:5. Dez. 1480 | Overlevering:Editie | Vindplaats:Ostfriesisches Urkundenbuch, II, S. 126, nr. 1042 |
Häuptling Hero von Dornum zu Esens etc, an die Rathssendeboten der sechs Wendischen Städte und Lübecks: lehnt des Thauwetters wegen seine persönliche Intercession bei seinem Schwager Edo Wiemken der weggenommenen neutralen Waaren halber ab, und verspricht, den mitbeschuldigten Hayko Borcherdes, seinen Unterthan, zur Rechenschaft zu ziehen.
Den eersamen ende vorsichtighen radessendeboden der Wendeschen stede ende radesheren to Lubike, synen guden vrunden vruntliken gescreven.
Recepta XXII. die mensis Decembris, anno etc. LXXXo.
Mynen vruntliken gruth thovorn. Eersamen vorsichtighen gude vrunde. So gy schriven wo yuw van etliken den yuwen unde anderen steden van der Hensse borgheren ende coepluden myt swarer claghe to kennende sy gegeven, wo de eerbare unde duchtige Ede Wymeken, to Jever hovetlingk, myn swager, on an anhalinghe ytliker schepe unde gudere merkliken schaden gedaen unde bewiset hebbe, alse nomptliken an schepen, laken, heringhe unde anderen kopenschoppen, dat mij dorch der eersamen yuwer frunde van Hamborch schrifte wol vorwitliket sy gheworden, daerup gij myt meer worden sind begherende, yk Eden mynen swagher myt den besten wille underrichten, dat den yuwen unde der anderen stede van der Hensse borgeren unde coepluden ore afhendich ghemakede gudere wederrichtet ofte betalet moghen weerden; worup, eersamen vorsichtigen leven frunde, yk yuwer eersamheyt do weten, dat yk yuw dat gheerne to willen wolde hebben daen, my by om to vogende unde myt den besten undertorichtende, men alse dat nu ghewant ys, dat yk van misfrostes[*] weghen, so yuwe bode dat wal suth, nicht by on komen kan, unde so yk van den boden vorste, he ock breve an om sulven hebbe, wert he yuw dessulven wal syne menynghe schrivende. Ock so hebben de eersamen radesheren van Hamborch in gheliker begheerte des an my so gy roren ore schrift gehat, den yk to willen my by mynen swagher voegede unde on darup by oren eghen boden een antword, dat yuw lichte wal voerghecomen ys, wederumme schreeff, dat yk yuw nu oek gheerne to willen, wan de misfrost nicht en dede, wolde hebben ghedaen. Vurder so gy schriven van Hayken Borcherdes mynen undersaten, he darmede schole hebben ghewesen, eersamen leven vrunde, dat ys my unwitlik ghewesen, unde ys my nicht to willen, dat he dat gedaen heft, unde wil on darumme so underrichten unde vormoghen, he dat laten schal, wente yk myt der Hensse unde den copmanne anders nicht men leeff unde gud en weet. Gode ghesund bevolen. Screven under mynen secrete, up sunte Nicolaus avent, anno etc. LXXXo.
Hero van Dornum, to Esense, Stedestorpe unde Witmunde hovetling.
Recepta XXII. die mensis Decembris, anno etc. LXXXo.
Mynen vruntliken gruth thovorn. Eersamen vorsichtighen gude vrunde. So gy schriven wo yuw van etliken den yuwen unde anderen steden van der Hensse borgheren ende coepluden myt swarer claghe to kennende sy gegeven, wo de eerbare unde duchtige Ede Wymeken, to Jever hovetlingk, myn swager, on an anhalinghe ytliker schepe unde gudere merkliken schaden gedaen unde bewiset hebbe, alse nomptliken an schepen, laken, heringhe unde anderen kopenschoppen, dat mij dorch der eersamen yuwer frunde van Hamborch schrifte wol vorwitliket sy gheworden, daerup gij myt meer worden sind begherende, yk Eden mynen swagher myt den besten wille underrichten, dat den yuwen unde der anderen stede van der Hensse borgeren unde coepluden ore afhendich ghemakede gudere wederrichtet ofte betalet moghen weerden; worup, eersamen vorsichtigen leven frunde, yk yuwer eersamheyt do weten, dat yk yuw dat gheerne to willen wolde hebben daen, my by om to vogende unde myt den besten undertorichtende, men alse dat nu ghewant ys, dat yk van misfrostes[*] weghen, so yuwe bode dat wal suth, nicht by on komen kan, unde so yk van den boden vorste, he ock breve an om sulven hebbe, wert he yuw dessulven wal syne menynghe schrivende. Ock so hebben de eersamen radesheren van Hamborch in gheliker begheerte des an my so gy roren ore schrift gehat, den yk to willen my by mynen swagher voegede unde on darup by oren eghen boden een antword, dat yuw lichte wal voerghecomen ys, wederumme schreeff, dat yk yuw nu oek gheerne to willen, wan de misfrost nicht en dede, wolde hebben ghedaen. Vurder so gy schriven van Hayken Borcherdes mynen undersaten, he darmede schole hebben ghewesen, eersamen leven vrunde, dat ys my unwitlik ghewesen, unde ys my nicht to willen, dat he dat gedaen heft, unde wil on darumme so underrichten unde vormoghen, he dat laten schal, wente yk myt der Hensse unde den copmanne anders nicht men leeff unde gud en weet. Gode ghesund bevolen. Screven under mynen secrete, up sunte Nicolaus avent, anno etc. LXXXo.
Hero van Dornum, to Esense, Stedestorpe unde Witmunde hovetling.
