| Nummer:oub1063 | Datum:8. Juni 1481 | Overlevering:Editie | Vindplaats:Ostfriesisches Urkundenbuch, II, S. 152, nr. 1063 |
Bürgermeister und Rath von Bremen fordern Edo Wiemken auf, die den Hansestädten gehörenden 13 Ballen Tuch zu restituiren.
Deme ersamen unde vorsichtigen juncheren Eden Wymmeken, to Jever, Oesteryngen ende Wangerlande hovetlinghe, unseme bisunderen guden frunde.
Borgermestere unde radmanne der stad Bremen.
Post salutationem. Ersame vorsichtighe gude frund. Radessendeboden der ersamen van Lubeke unde Hamborch hebben ere schriffte gesend derteyn tarlinghe laken halven, de gy deme unschuldigen copmanne thegen God unde recht unvorschuldet unde unentsecht gewalteliken nenen unde anhalen laten hebben myt en tho Lubeke unde in anderen steden der Hanse tho hus horende, so dat desulven ere schriffte, der wy juw warhafftigen copien hijrinne mede vorsloten senden unde gy de menynghe daruth wol vorstande werden, mit lengeren worden sint vormeldende. Also, ersame leve frunt, bidden wy fruntlike mit andacht gy desset so vorfogen unde ane entachtinge vortsetten willen, denn unschuldigen copmanne van der Hanse sodane vorgerorde lakene vredesam weder gegeven edder na gewerde, so id sick yo billiken anders nicht en gebord, betalet werden mogen, wor deme so nicht mochte gescheen unde gy densulven mit den lakenen so mit vorsethe deehten vor tho entsittende, denne sint wy den gemelten steden so bewant ende togedan, dat wy erer in eren rechtverdigen saken nicht gedenken tho vorlatende, so wij erer tho rechte mechtich sin, men on deshalven behulpelick, trostlick unde bistendich tho wesende, dar denne mer arbeides unde unwillen van entstan mochte, wy doch lever irhaven weren juw hyr gutwillich inne bewisen unde geborlick schicken; dat vordenen unde vorschulden wy umme juw alletyt gerne; unde wes se desser unser schriffte unde vortsettinghe an juw deshalven mogen geneten, des beghere wy juwe schrifftlike unvortogerde antworde by desseme yegenwordigen wederumme, de wy den vorscr. van Lubeke unde Hamborch vorthan weder vorwitliken unde benalen unde sick darna richten mogen. Gode almechtich wy juw bevelen. Screven des vrydages vor Pinxsten, under unser stad secrete, anno etc. LXXXo primo.
Borgermestere unde radmanne der stad Bremen.
Post salutationem. Ersame vorsichtighe gude frund. Radessendeboden der ersamen van Lubeke unde Hamborch hebben ere schriffte gesend derteyn tarlinghe laken halven, de gy deme unschuldigen copmanne thegen God unde recht unvorschuldet unde unentsecht gewalteliken nenen unde anhalen laten hebben myt en tho Lubeke unde in anderen steden der Hanse tho hus horende, so dat desulven ere schriffte, der wy juw warhafftigen copien hijrinne mede vorsloten senden unde gy de menynghe daruth wol vorstande werden, mit lengeren worden sint vormeldende. Also, ersame leve frunt, bidden wy fruntlike mit andacht gy desset so vorfogen unde ane entachtinge vortsetten willen, denn unschuldigen copmanne van der Hanse sodane vorgerorde lakene vredesam weder gegeven edder na gewerde, so id sick yo billiken anders nicht en gebord, betalet werden mogen, wor deme so nicht mochte gescheen unde gy densulven mit den lakenen so mit vorsethe deehten vor tho entsittende, denne sint wy den gemelten steden so bewant ende togedan, dat wy erer in eren rechtverdigen saken nicht gedenken tho vorlatende, so wij erer tho rechte mechtich sin, men on deshalven behulpelick, trostlick unde bistendich tho wesende, dar denne mer arbeides unde unwillen van entstan mochte, wy doch lever irhaven weren juw hyr gutwillich inne bewisen unde geborlick schicken; dat vordenen unde vorschulden wy umme juw alletyt gerne; unde wes se desser unser schriffte unde vortsettinghe an juw deshalven mogen geneten, des beghere wy juwe schrifftlike unvortogerde antworde by desseme yegenwordigen wederumme, de wy den vorscr. van Lubeke unde Hamborch vorthan weder vorwitliken unde benalen unde sick darna richten mogen. Gode almechtich wy juw bevelen. Screven des vrydages vor Pinxsten, under unser stad secrete, anno etc. LXXXo primo.
