| Nummer:oub1074 | Datum:1481 | Overlevering:Editie | Vindplaats:Ostfriesisches Urkundenbuch, II, S. 162, nr. 1074 |
Edo Wiemkens Klagepunkte über die Holländer.
Item dyt nagescreven sint de clage, de ick Ede Wymeken, tho Jever etc. hovetling, hebbe tho seggende up de Hollandere unde ore thostendere.
Int erste claghe ick, wo etlike uth Holland weren myt 2 schepen uppe der Maden by der Schare, [*] de denne de erbare Ede Wymeken, myn leve ohem zaliger dechtnisse, des ick sin rechte erffgename bin, de schippers myt orem volke was tho gaste biddende, dat se sick myt ome wolden vrolick maken up syner borch in Rustringen, des weren se myt ome twe daghe unde twe nacht, wente an den derden dach, unde beden one weder tho orem schepe tho komende, se wolden oen eren myt twen vaten wynes, dusses als se myt eme qwemen up dat rume van syner borch, nemen se oen myt summigen anderen myt gewalt myt sick tho schepe unde vorden de mit sick in Hollant, darzulffs geschattet uppe veirteyndusent Beyersche gulden. Ock slogen se tom Schare tor sulven tyt dre manne dot, unde alse de genante Ede Wymmeke weder uth der vencknisse qwam, wante tho Gronynghen, dar bleven ock twe doth, de so jamerliken gepiniget weren thome dode.
Thom anderen male was eyn dach vorscreven tuschen deme erbaren mynem leven vedderen, junchere Sibethe zaliger dachtnisse, unde den Hollanderen, dusses sende he uth 15 syner knechte werveswiss myt eneme schepe, de qwemen by etlike vischers uth Hollant, de knechte beden desulfften vischers tho gaste in oer schip unde deden one gutliken, dess beden de vischers de knechte wedder tho gaste in or schip, mer van stunt, alsse de knechte in or schip qwemen, worpen se over borth unde vordrenckeden se samptliken.
Thom derden male qwemen de Hollanders echtes in gudem bestande unde branden Wangeroch dar aff, unde breken de kerken unde nemen klocken, monstrancien unde alle cleynode der kerken unde slogen darsulffs tor sulven tyt dot 11 man unde nemen vuste kinder mede, bede megetkens unde ventkens.
Thom verden male branden se Wangeroch noch eens unde nemen wess dar was.
Thom vifften male helt unse zelighe grotevader Haye Harles enen fruntliken dach myt den Hollanderen tho Medrense[*] in synem gebede; up der wederreyse nemen se synen undersaten in guden geloven up 8 hundert[*] Rinsche gulden an schepen unde an gude. Daran nicht lanck nemen se Hillert Taddiken up 4 hundert[*] R. gulden an schepe unde gude unde Tammen tho Stumpenze[*] up 5 hundert[*] R. gulden; dyt hebben se alle in guden bestande unde geloven gedan. Mochte my vor sodane clage lyck unde wandel schen, scholde my mit rechte alltyt wol genogen.
Int erste claghe ick, wo etlike uth Holland weren myt 2 schepen uppe der Maden by der Schare, [*] de denne de erbare Ede Wymeken, myn leve ohem zaliger dechtnisse, des ick sin rechte erffgename bin, de schippers myt orem volke was tho gaste biddende, dat se sick myt ome wolden vrolick maken up syner borch in Rustringen, des weren se myt ome twe daghe unde twe nacht, wente an den derden dach, unde beden one weder tho orem schepe tho komende, se wolden oen eren myt twen vaten wynes, dusses als se myt eme qwemen up dat rume van syner borch, nemen se oen myt summigen anderen myt gewalt myt sick tho schepe unde vorden de mit sick in Hollant, darzulffs geschattet uppe veirteyndusent Beyersche gulden. Ock slogen se tom Schare tor sulven tyt dre manne dot, unde alse de genante Ede Wymmeke weder uth der vencknisse qwam, wante tho Gronynghen, dar bleven ock twe doth, de so jamerliken gepiniget weren thome dode.
Thom anderen male was eyn dach vorscreven tuschen deme erbaren mynem leven vedderen, junchere Sibethe zaliger dachtnisse, unde den Hollanderen, dusses sende he uth 15 syner knechte werveswiss myt eneme schepe, de qwemen by etlike vischers uth Hollant, de knechte beden desulfften vischers tho gaste in oer schip unde deden one gutliken, dess beden de vischers de knechte wedder tho gaste in or schip, mer van stunt, alsse de knechte in or schip qwemen, worpen se over borth unde vordrenckeden se samptliken.
Thom derden male qwemen de Hollanders echtes in gudem bestande unde branden Wangeroch dar aff, unde breken de kerken unde nemen klocken, monstrancien unde alle cleynode der kerken unde slogen darsulffs tor sulven tyt dot 11 man unde nemen vuste kinder mede, bede megetkens unde ventkens.
Thom verden male branden se Wangeroch noch eens unde nemen wess dar was.
Thom vifften male helt unse zelighe grotevader Haye Harles enen fruntliken dach myt den Hollanderen tho Medrense[*] in synem gebede; up der wederreyse nemen se synen undersaten in guden geloven up 8 hundert[*] Rinsche gulden an schepen unde an gude. Daran nicht lanck nemen se Hillert Taddiken up 4 hundert[*] R. gulden an schepe unde gude unde Tammen tho Stumpenze[*] up 5 hundert[*] R. gulden; dyt hebben se alle in guden bestande unde geloven gedan. Mochte my vor sodane clage lyck unde wandel schen, scholde my mit rechte alltyt wol genogen.
