| Nummer:oub1075 | Datum:1. Aug. 1481 | Overlevering:Editie | Vindplaats:Ostfriesisches Urkundenbuch, II, S. 163, nr. 1075 |
Den ersamen vorsenigen heren burgermeistern unde rathmannen der stad Lubeke, unsen bisunderen guden frunden.
Recepta secunda Augusti, anno etc. LXXXIo.
Unsen fruntliken denst mid vormoge alles guden tovoren. Ersamen unde vorsenigen leven heren, bisunderen guden frunde. Des handels halven, als de ersame unses rades medekumpan heren Hinrick Zalesborch mid jungheren Eden Wymeken, to Jever etc. hovetlingen, der genomen laken ende gudere ock wedderbuwinge Sibesborch bearbeydet mid Eden juw dat muntliken ock ingebracht heft, alss datt jungher Ede em kortes bynnen 14 dagen darna antwerd scriftliken benalen wolde, dat vaste lange vorbleven is, darumme heft heren Hinrick deme jungheren Eden nicht lange vorleden des antwerdes vormaninge gedan unde des antwerdes begerde van em to schickende, dat he eme nu gesanth heft, uns furdermer gelesen unde geantwerdet taten, welck wij juw senden hir bij vorwart unde bigebunden mit eyner anderen cedelen darinne beslaten, van uns togesegelt van der tosprake, de he vormenen to hebbende to den Hollanderen, daruth juwe ersamheide zine meninge wol werden vernemende, unde willen dar furder wol zin to vordacht unde willet uns by desseme jegenwardigen[*] dessen bigebunden breff mid der cedelen wedderumme schigken; woranne wij juw mogen mehr behagen don wy gerne, kent God, de juwe ersamheide lange friste gesund.
Screven under unser stad secrete, ame achtendage na Jacobi apostoli, anno etc. LXXXIo.
Burgermeistere unde rathmanne to Hamborg.
Recepta secunda Augusti, anno etc. LXXXIo.
Unsen fruntliken denst mid vormoge alles guden tovoren. Ersamen unde vorsenigen leven heren, bisunderen guden frunde. Des handels halven, als de ersame unses rades medekumpan heren Hinrick Zalesborch mid jungheren Eden Wymeken, to Jever etc. hovetlingen, der genomen laken ende gudere ock wedderbuwinge Sibesborch bearbeydet mid Eden juw dat muntliken ock ingebracht heft, alss datt jungher Ede em kortes bynnen 14 dagen darna antwerd scriftliken benalen wolde, dat vaste lange vorbleven is, darumme heft heren Hinrick deme jungheren Eden nicht lange vorleden des antwerdes vormaninge gedan unde des antwerdes begerde van em to schickende, dat he eme nu gesanth heft, uns furdermer gelesen unde geantwerdet taten, welck wij juw senden hir bij vorwart unde bigebunden mit eyner anderen cedelen darinne beslaten, van uns togesegelt van der tosprake, de he vormenen to hebbende to den Hollanderen, daruth juwe ersamheide zine meninge wol werden vernemende, unde willen dar furder wol zin to vordacht unde willet uns by desseme jegenwardigen[*] dessen bigebunden breff mid der cedelen wedderumme schigken; woranne wij juw mogen mehr behagen don wy gerne, kent God, de juwe ersamheide lange friste gesund.
Screven under unser stad secrete, ame achtendage na Jacobi apostoli, anno etc. LXXXIo.
Burgermeistere unde rathmanne to Hamborg.
