| Nummer:oub1082 | Datum:29. Dez. 1481 | Overlevering:Editie | Vindplaats:Ostfriesisches Urkundenbuch, II, S. 169, nr. 1082 |
Hamburg an Lübeck: geht auf den Vorschlag, eine mündliche Besprechung in der Angelegenheit Edo Wiemkens zu Oldeslo zu halten, ein, und schickt mehrere Briefe zurück.
Den ersamen wijsen heren burgirmeisteren unde rathmannen der stadt Lubeck, unsen bisunderen ghuden frunden.
Recepta prima die mensis Januarii anno etc. LXXXIo. [sic!].
Unsen frundliken gruth mit vermoge alles ghuden tovoren. Ersamen wise heren, bisundern ghuden frunde. So gy uns nu unlanges gescreven hebben von wegen sulcher sake mit Ede Wymmeken etc., unde beroren under anderen, ifft uns nutte duchte sijn, wij derhalven in dessen vyrdagen jo er jo lever unse radessendeboden bynnen Odeslo tiegen de juwe schigken wolden etc., belevet uns so wol unde dungket uns na gelegenheit der sake zere nutte sin, so to bescheende. Also willen wij de unse nu ame tokamenden midweken up den avend bynnen Odeslo in der herberge hebben, frundliken begerende, gy de juwen alsedenne ok: alldar hebben willen, dergeliken umme de sake dupliken aver to sprekende so werd sin behoff unde von noden. Hijrto wij uns so vortaten. Wij hebben ok der eddelen frouwen Teden, grevinnen in Ostfresland, der erbaren Hero von Dornum unde Ede Wymmeken schrifte entfangen, de geopent, gelesen unde senden juw der frouwen breff unde copien der anderen hiirane versloten. Gode dem Heren in seliger wolvard bevalen.
Screven under unser statt seeret ans dage Thome Canthuariensis, anno etc. LXXXIo.
Burgirmeistere unde rathmannen der statt Hamburg.
Recepta prima die mensis Januarii anno etc. LXXXIo. [sic!].
Unsen frundliken gruth mit vermoge alles ghuden tovoren. Ersamen wise heren, bisundern ghuden frunde. So gy uns nu unlanges gescreven hebben von wegen sulcher sake mit Ede Wymmeken etc., unde beroren under anderen, ifft uns nutte duchte sijn, wij derhalven in dessen vyrdagen jo er jo lever unse radessendeboden bynnen Odeslo tiegen de juwe schigken wolden etc., belevet uns so wol unde dungket uns na gelegenheit der sake zere nutte sin, so to bescheende. Also willen wij de unse nu ame tokamenden midweken up den avend bynnen Odeslo in der herberge hebben, frundliken begerende, gy de juwen alsedenne ok: alldar hebben willen, dergeliken umme de sake dupliken aver to sprekende so werd sin behoff unde von noden. Hijrto wij uns so vortaten. Wij hebben ok der eddelen frouwen Teden, grevinnen in Ostfresland, der erbaren Hero von Dornum unde Ede Wymmeken schrifte entfangen, de geopent, gelesen unde senden juw der frouwen breff unde copien der anderen hiirane versloten. Gode dem Heren in seliger wolvard bevalen.
Screven under unser statt seeret ans dage Thome Canthuariensis, anno etc. LXXXIo.
Burgirmeistere unde rathmannen der statt Hamburg.
