| Nummer:oub1103 | Datum:Aurich, 7. Jan. 1485 | Overlevering:Editie | Vindplaats:Ostfriesisches Urkundenbuch, II, S. 184, nr. 1103 |
Gräfin Theda intercedirt bei den Bürgermeistern von Emden für Gerd Sadelmaker aus Groningen, welcher in Westfalen auf dem Markte Roggen gekauft und in einem Emder Schiffe verladen hat, dass ihm sein zu Emden angehaltener Roggen freigegeben werde, da sie es gern sähe, wenn Fremde die Emder Schiffe zum Transport von Waaren mietheten, indem dadurch dem Lande Vortheil erwüchse.
Deme ersamen wysen unde voersichtigen borgermesteren der stadt Emeden, unsen leven ghetruwen gueden standen.
Thede gravinne in Oestvreslandt. Ersamen, wysen unde voersichtigen, besunders leven getruwen gueden vrunden. Gherdt, Katerinen Sadelmakers soen, hevet uns berichtet, woe dat he inne markettyden up Westvalen eyn deel roggen hevet gekoft gelijck ander koeplude unde borgers van Groningen, tot 50 eder 60 molt to eder daerummetrint; des in eme syne rogge to Emeden upholden umme des wyllen, dat he dene roggen geschepet hevet inne eynes unses borgern eder unses undersaten schipp, unde nergent anders umme, als he secht. Is hijrumme unse guede meninge, begere, inneden daer anderst nicht annelegen in, dann als vorscr. steyt, dat men eme myt synen roggen hennevaren lete, unde dat eme geschege lyck anderen van Groningen is gescheen; all hevet he denn roggen inne eyn unses borgers eder undersaten schipp geschepet, dat men eme des nicht untgelden lete, want wij gerne segen, dat de Groninger koeplude alle so deden, uppe dat de neringe destomeer den unsen verbetert worde, unde dat de unse allene de faert van den roggen muchten hebben, inneden daerto worde geseen, dat de unse undersaten nynen roggen uth en foerden inne der van Groningen eder anders yemande schijn, wente alle denghennen, denen wij hebben georlovet roggen uthtoforen, als denen bisscop van Munster unde Frederick van Bra, oeck anders we se synnen, hebben wij eme laten seggen, dat se den roggen nicht schollen uthe laten foren, dan inne eyn unses undersaten schipp, unde gerne segen, dat nemant anders roggen uthfoerde, dan de unse allene, inneden dat myt yenigen beschede gescheen muchte, uppe dat denen unsen ere neringe inn allen muchte verbetert werden, so wij dat gerne segen; kenne de Her, de juw inne syner hilliger hoede moet bewaren, unde by geluckiger walfaert gesunt inne dogeden sparen. Ghegeven to Auwrick, des anderen dages na der hilligen dre koninge dach, anno etc. LXXXo tercio.
Thede gravinne in Oestvreslandt. Ersamen, wysen unde voersichtigen, besunders leven getruwen gueden vrunden. Gherdt, Katerinen Sadelmakers soen, hevet uns berichtet, woe dat he inne markettyden up Westvalen eyn deel roggen hevet gekoft gelijck ander koeplude unde borgers van Groningen, tot 50 eder 60 molt to eder daerummetrint; des in eme syne rogge to Emeden upholden umme des wyllen, dat he dene roggen geschepet hevet inne eynes unses borgern eder unses undersaten schipp, unde nergent anders umme, als he secht. Is hijrumme unse guede meninge, begere, inneden daer anderst nicht annelegen in, dann als vorscr. steyt, dat men eme myt synen roggen hennevaren lete, unde dat eme geschege lyck anderen van Groningen is gescheen; all hevet he denn roggen inne eyn unses borgers eder undersaten schipp geschepet, dat men eme des nicht untgelden lete, want wij gerne segen, dat de Groninger koeplude alle so deden, uppe dat de neringe destomeer den unsen verbetert worde, unde dat de unse allene de faert van den roggen muchten hebben, inneden daerto worde geseen, dat de unse undersaten nynen roggen uth en foerden inne der van Groningen eder anders yemande schijn, wente alle denghennen, denen wij hebben georlovet roggen uthtoforen, als denen bisscop van Munster unde Frederick van Bra, oeck anders we se synnen, hebben wij eme laten seggen, dat se den roggen nicht schollen uthe laten foren, dan inne eyn unses undersaten schipp, unde gerne segen, dat nemant anders roggen uthfoerde, dan de unse allene, inneden dat myt yenigen beschede gescheen muchte, uppe dat denen unsen ere neringe inn allen muchte verbetert werden, so wij dat gerne segen; kenne de Her, de juw inne syner hilliger hoede moet bewaren, unde by geluckiger walfaert gesunt inne dogeden sparen. Ghegeven to Auwrick, des anderen dages na der hilligen dre koninge dach, anno etc. LXXXo tercio.
