| Nummer:oub1129 | Datum:5. April 1484 | Overlevering:Editie | Vindplaats:Ostfriesisches Urkundenbuch, II, S. 203, nr. 1129 |
Hero von Dornum empfiehlt seinem Schwager Edo Wiemken zwei von den Holländern abgesandte Priester, welche eine Tagfahrt zur Vermittelung des Friedens zwischen Edo und den Holländern anbahnen sollen.
Dem ersamen unde vorsichtigen Eden Wymeken, to Jever, Ostringen, Rustringen unde Wangerland hovetlingen, sinem leven swager etc.
Vrundliken gruet tovorn. Ersame leve swager. By mi sind ghewesen twe prester, desses breves wyser, mit credencien van den ghemeynen Hollandesschen steden, uthgesand an ju van den Hollandesschen steden weghen, umme een velich bestand unde enen dach jeghen ju to holdende to gheleghelyker stede moghen vorraemen, so ju dessesulfften prester woll underrichtende werden; dachte mi woll, leve swagher, raetsaem unde nutte sine, gy dessen dach to holdende, indem id ju belevet unde gued duncket; so gy des mit dessen presteren avereen kaemene, gy denne den ghemeine koepmanne der Hollandesschen steden velicheit umme gheleide willen gheven, went tor tyd twisschen ju unde den Hollanderen de dach gheholden is. Gade ghesund bevalen. Screven under minem secret, am mandage na Judica, anno etc. LXXXIIIIo.
Hero van Dornum, to Esense, Stestorpe, Witmunde hovetlingh.
Vrundliken gruet tovorn. Ersame leve swager. By mi sind ghewesen twe prester, desses breves wyser, mit credencien van den ghemeynen Hollandesschen steden, uthgesand an ju van den Hollandesschen steden weghen, umme een velich bestand unde enen dach jeghen ju to holdende to gheleghelyker stede moghen vorraemen, so ju dessesulfften prester woll underrichtende werden; dachte mi woll, leve swagher, raetsaem unde nutte sine, gy dessen dach to holdende, indem id ju belevet unde gued duncket; so gy des mit dessen presteren avereen kaemene, gy denne den ghemeine koepmanne der Hollandesschen steden velicheit umme gheleide willen gheven, went tor tyd twisschen ju unde den Hollanderen de dach gheholden is. Gade ghesund bevalen. Screven under minem secret, am mandage na Judica, anno etc. LXXXIIIIo.
Hero van Dornum, to Esense, Stestorpe, Witmunde hovetlingh.
