| Nummer:oub1187 | Datum:Esens, 6. Juli 1487 | Overlevering:Editie | Vindplaats:Ostfriesisches Urkundenbuch, II, S. 253, nr. 1187 |
Ritter Hero von Dornum schreibt an Bürgermeister und Rath von Bremen über einen gefangenen Eingesessenen aus Wursten.
Den ersamen vorsichtigen unde wolwisen heren borgermeisteren unde radmannen der stad Bremen, synen besunderen guden vrunden.
Mynen vruntliken gruth unde wes ick leves vormach allewege vorgesant. Ersamen vorsichtigen unde wolwisen leven vrundes. So gy denne schrifftliken eyneme juwen borger Karsten Smedingk, anders Kremer genompt, uppe der Weser myt etliken der Worster gevangen unde welk gelt affhendich gemaket hebben scholle vormelden, bidde ick juwen leve vruntliken wetende, de gedachte Karsten vor my gesecht, togestaen hefft unde gesproken, he in eigendompten, vurstede unde roke in deme benomden lande Worsten sy syttende; des, guden vrundes, my vorwundert unde zere vromede nympt, gy sodane myne vygende vor juwe borgere to quidscheldende vorschriven, noch vruntliken begerende sodane mengelinge juwer borger myt myneme wedderparten der Worstern vorbat na deme contrachte unde aveschede Bernt Boler unde my beschedenen affstellen vorder twidrach unde vorschrivendes under malk verwesen; schal men in eynen meer juwer obgemelten leiffden behagen, do ich; Gode almechtich lange vris unde gesund spare allewege gerne. Gegeven to Esense, ame vridage na visitacionis Marie virginis, anno etc. LXXXVIIo.[*]
Herrn van Dornynn (!) ritther, to Esensen, Stedestorppe unde Wytmunde etc. hovetling.
Mynen vruntliken gruth unde wes ick leves vormach allewege vorgesant. Ersamen vorsichtigen unde wolwisen leven vrundes. So gy denne schrifftliken eyneme juwen borger Karsten Smedingk, anders Kremer genompt, uppe der Weser myt etliken der Worster gevangen unde welk gelt affhendich gemaket hebben scholle vormelden, bidde ick juwen leve vruntliken wetende, de gedachte Karsten vor my gesecht, togestaen hefft unde gesproken, he in eigendompten, vurstede unde roke in deme benomden lande Worsten sy syttende; des, guden vrundes, my vorwundert unde zere vromede nympt, gy sodane myne vygende vor juwe borgere to quidscheldende vorschriven, noch vruntliken begerende sodane mengelinge juwer borger myt myneme wedderparten der Worstern vorbat na deme contrachte unde aveschede Bernt Boler unde my beschedenen affstellen vorder twidrach unde vorschrivendes under malk verwesen; schal men in eynen meer juwer obgemelten leiffden behagen, do ich; Gode almechtich lange vris unde gesund spare allewege gerne. Gegeven to Esense, ame vridage na visitacionis Marie virginis, anno etc. LXXXVIIo.[*]
Herrn van Dornynn (!) ritther, to Esensen, Stedestorppe unde Wytmunde etc. hovetling.
