| Nummer:oub1214 | Datum:8. März 1488 | Overlevering:Editie | Vindplaats:Ostfriesisches Urkundenbuch, II, S. 272, nr. 1214 |
Ritter Hero von Dornum an die zu Bremen versammelten Abgesandten der Hansestädte.
Den werdighen vorsenighen eersamen unde wolwisen heren borgermesteren, radmannen unde ambasiatoren der gantzen Dudesschen Hense, nu tor tyd tho Bremen vorgaddert, mynen leven heren, ghunneren unde bysunderen guden vrunden, vruntliken gescreven.
Werdighen erbaren vorsichtighen unde wolwisen leven heren. So yuwer werdighen wolwisen vorsichticheit villichte wal, dat yk myt den Groninghers in unwillen unde vede bin, voerghekomen mach wesen, welkent van weghen der mynen voer hen unde my ys gheschen, urnme zake, des yk an se muntlike oek schriftlike bodeschop thovorn umme to vorhodende unde vormidende unwillen, de dar vurder van vorrysen mochte, hebbe gehat, des se nicht gheachtet, men al na oren willen den mynen unde my to wederen vort ghevolget hebben, des yk na des lyk unde wandel vor unlyk to donde oek schriftliken hebbe van en begheret, welkent my alle nicht baetlik ys gewesen, woermede se my, dat yk unnode dan hedde, myt en to vedende, hebben ghedrunghen; beghere yk van yuwer werdigen erbaren vorsichticheit, gy se so willen underwisen, dat se na irkantnisse heren, vrunde unde stede lyk unde wandel darvor don, dat men alle tyd gheene van on schal nemen. Weret over se dar nicht an en wolden, men in oren overdadigen mode deshalven dechten to blivende, beghere yk vruntliken weten, wes yk my deshalven to yuwer werdigen erbaren vorsichticheit moge vorzen, unde wes se des yuwer guden underwisinghe tho synen werden ofte nicht, beghere yk yuwe medebescreven antword. Gode dem Heren zund und salich bevolen. Screven up den sonnavent vor Oculi, under myn secrete, anno etc. LXXXVIIIo.
Hero von Dornum ritter, to Esens, Stedestorpe unde Witmunde hovetling.
Werdighen erbaren vorsichtighen unde wolwisen leven heren. So yuwer werdighen wolwisen vorsichticheit villichte wal, dat yk myt den Groninghers in unwillen unde vede bin, voerghekomen mach wesen, welkent van weghen der mynen voer hen unde my ys gheschen, urnme zake, des yk an se muntlike oek schriftlike bodeschop thovorn umme to vorhodende unde vormidende unwillen, de dar vurder van vorrysen mochte, hebbe gehat, des se nicht gheachtet, men al na oren willen den mynen unde my to wederen vort ghevolget hebben, des yk na des lyk unde wandel vor unlyk to donde oek schriftliken hebbe van en begheret, welkent my alle nicht baetlik ys gewesen, woermede se my, dat yk unnode dan hedde, myt en to vedende, hebben ghedrunghen; beghere yk van yuwer werdigen erbaren vorsichticheit, gy se so willen underwisen, dat se na irkantnisse heren, vrunde unde stede lyk unde wandel darvor don, dat men alle tyd gheene van on schal nemen. Weret over se dar nicht an en wolden, men in oren overdadigen mode deshalven dechten to blivende, beghere yk vruntliken weten, wes yk my deshalven to yuwer werdigen erbaren vorsichticheit moge vorzen, unde wes se des yuwer guden underwisinghe tho synen werden ofte nicht, beghere yk yuwe medebescreven antword. Gode dem Heren zund und salich bevolen. Screven up den sonnavent vor Oculi, under myn secrete, anno etc. LXXXVIIIo.
Hero von Dornum ritter, to Esens, Stedestorpe unde Witmunde hovetling.
