| Nummer:oub1220 | Datum:20. April 1488 | Overlevering:Editie | Vindplaats:Ostfriesisches Urkundenbuch, II, S. 276, nr. 1220 |
Edo Wiemken an Bremen.
Den ersamen unde vorsichtighen borghermestere unde raedtmannen der stadt Bremen, mynen ghunstigen besonderes gueden frundes, frundtlychen ghescreven.
Mynen frundtliken gruedt thovoren. Ersamen vors. bes. gued. frundes. So gy in juwen wedderscriften, my itsunders behandet, begheren, ick by dem gheduchtighen mynem leven swagher heren Hero Onneken von Doernum ritther etc. unde Iken tho Knypense so wyllde irfueghen unde overspreken, sodanne nottele my by Hynrike Scroder, mynem amptmann, unlanghes benaeldt, noch moghe vullentoghen worden etc., dusses denn schicken wy juw unde den anderen Oesterschen steden to willen unse vorseghelynghe jeghenwordigh ten handen, so gy den de ghefangen knechte, gy noch myt juw sittende hebben, nach meldendt juwer scriffte hyruppe hebben qwydtgheschulden in myne handt, schelde ick dann juwe borghere, de ock in myne handt, wanner de knechte uppe vrygen voten syndt, syndt vryg unde qwydt gheschulden, erer toefnisse halven qwydt, ledich unde loes wedderumbe; so denn ock de nottele de beyden landt Bothjaden unde Stadtlandt ock daghe bynnen juwer stadt jeghen se to holdende mede bestemmeth, vorborghet gheldt dairuppe resten tho laten etc., so gy denn uth mynen vorscrifften woll irmarckt hebben, steydt uns sodans nicht to donde, anghesien se uns myt groten unghelympe unde ghewaldt tor feyden ghedranghet hebben, dairover in marckelyker unkost, vorspildinghe geldes unde guedes ghekomen, sunder dencken wy eyns frundtliken daghes umbe de anderen ghebreke noch unvorsoendt syndt, unde uppe vromer lude irkantnysse begheven uppe der Jaden, dair unse voerfadere voer unde wy nha alle twyschelinghe tuschen landes plegen by to leggende, myt se to ghewaneden so wy beydenthalven vorhen beleveth hebben; konden wy juw anders wairane to willen synnen, deden wy sampt unde besunderen guedtlychen gherne. Gode bevolen. Ghescreven ame sondaghe vor Georgii martyris, anno etc. LXXXo octavo.[*]
Edo Wymeken, tho Jhever etc. hovetling.
Mynen frundtliken gruedt thovoren. Ersamen vors. bes. gued. frundes. So gy in juwen wedderscriften, my itsunders behandet, begheren, ick by dem gheduchtighen mynem leven swagher heren Hero Onneken von Doernum ritther etc. unde Iken tho Knypense so wyllde irfueghen unde overspreken, sodanne nottele my by Hynrike Scroder, mynem amptmann, unlanghes benaeldt, noch moghe vullentoghen worden etc., dusses denn schicken wy juw unde den anderen Oesterschen steden to willen unse vorseghelynghe jeghenwordigh ten handen, so gy den de ghefangen knechte, gy noch myt juw sittende hebben, nach meldendt juwer scriffte hyruppe hebben qwydtgheschulden in myne handt, schelde ick dann juwe borghere, de ock in myne handt, wanner de knechte uppe vrygen voten syndt, syndt vryg unde qwydt gheschulden, erer toefnisse halven qwydt, ledich unde loes wedderumbe; so denn ock de nottele de beyden landt Bothjaden unde Stadtlandt ock daghe bynnen juwer stadt jeghen se to holdende mede bestemmeth, vorborghet gheldt dairuppe resten tho laten etc., so gy denn uth mynen vorscrifften woll irmarckt hebben, steydt uns sodans nicht to donde, anghesien se uns myt groten unghelympe unde ghewaldt tor feyden ghedranghet hebben, dairover in marckelyker unkost, vorspildinghe geldes unde guedes ghekomen, sunder dencken wy eyns frundtliken daghes umbe de anderen ghebreke noch unvorsoendt syndt, unde uppe vromer lude irkantnysse begheven uppe der Jaden, dair unse voerfadere voer unde wy nha alle twyschelinghe tuschen landes plegen by to leggende, myt se to ghewaneden so wy beydenthalven vorhen beleveth hebben; konden wy juw anders wairane to willen synnen, deden wy sampt unde besunderen guedtlychen gherne. Gode bevolen. Ghescreven ame sondaghe vor Georgii martyris, anno etc. LXXXo octavo.[*]
Edo Wymeken, tho Jhever etc. hovetling.
