| Nummer:oub1236 | Datum:31. Okt. 1488 | Overlevering:Editie | Vindplaats:Ostfriesisches Urkundenbuch, II, S. 289, nr. 1236 |
Das Bremer Domkapitel fragt bei Edo Wiemken an, ob die Gerüchte, dass er verhindere Synoden in seinem Gebiete zu halten, begründet seien, und bittet dieselben eventuell zu gestatten.
Dem duchtigen unde erbaren juncheren Eden, tho Jever, in Ostringe, Rustringe unde Wangerlande etc. hovetlinge, unssem gunstigen leven juncheren.
Vruntlyken grut mydt unssem denste tovoren. Duchtige unde erbar leve juncher. De werdige unsser kercken domdeken, mester Gerdt Oldewagen, doctor am gestlyken rechte, in voergekomen unde uns vurder berichtet, wodannewijs juwe leefte nicht scholen wyllen vorhengen unde staden in juwen landen unde gebeden to cinoderende nae sedelyker cristlijker wijse nae ansettinge der hijlligen rechte; vorseen uns doch deme so nicht syn schal. Werd t nu van quader anbringynge hyr wes ynne were, were unsse denstlyke fruntlyke bede, sodanne wolden doen affstellen, unde vorhengen sodanne geestlyk recht unde streffinge in juwen landen lethen vor syck gaen. Desulfte her domdeken wyl syck ok gerne schycken unde hebben mydt juwer lefte undersaten in aller mathe unde wyse, so de werdige syn vorvarne syck gehadt hebben, een sodann wyllen he ok wy juwer lefte jummers affvorderen; unde wes he unsses vorscryvendes hyrynne mach geneten, bydden wy juwer lefte bescreven antworde, de wy Gode bevelen in zeliger wolvardt. Datum under unssem secrete, am avende omnium sanctorum, anno etc. LXXXVIIIo.
Elder unde cappittel der kercken tho Bremen.
Vruntlyken grut mydt unssem denste tovoren. Duchtige unde erbar leve juncher. De werdige unsser kercken domdeken, mester Gerdt Oldewagen, doctor am gestlyken rechte, in voergekomen unde uns vurder berichtet, wodannewijs juwe leefte nicht scholen wyllen vorhengen unde staden in juwen landen unde gebeden to cinoderende nae sedelyker cristlijker wijse nae ansettinge der hijlligen rechte; vorseen uns doch deme so nicht syn schal. Werd t nu van quader anbringynge hyr wes ynne were, were unsse denstlyke fruntlyke bede, sodanne wolden doen affstellen, unde vorhengen sodanne geestlyk recht unde streffinge in juwen landen lethen vor syck gaen. Desulfte her domdeken wyl syck ok gerne schycken unde hebben mydt juwer lefte undersaten in aller mathe unde wyse, so de werdige syn vorvarne syck gehadt hebben, een sodann wyllen he ok wy juwer lefte jummers affvorderen; unde wes he unsses vorscryvendes hyrynne mach geneten, bydden wy juwer lefte bescreven antworde, de wy Gode bevelen in zeliger wolvardt. Datum under unssem secrete, am avende omnium sanctorum, anno etc. LXXXVIIIo.
Elder unde cappittel der kercken tho Bremen.
