| Nummer:oub1289 | Datum:24. Juli 1491 | Overlevering:Editie | Vindplaats:Ostfriesisches Urkundenbuch, II, S. 327, nr. 1289 |
Schreiben an den Rath von Hamburg in Sachen des zwischen den Hansestädten und den Kindern Alko's und Lubbo Onken's zeitweilig vereinbarten Friedens und einer zu Waddens oder Dauwensee projektirten aber anderweit abzuhaltenden Tagfahrt.
An den raed to Hamborch.
Post salutationem. Ersame, wyse unde vorsichtige heren, bisunderen leven unde guden vrunde. So denne to mer malen van juw unde uns by juwen unde unsen vrunden van Bremen scryfftlick unde ock muntlick, dat se dat bestand tusschen den Vresen, Alleken unde Lubben Onneken kynderen, noch to etliken tyden to vorlengende, mochten bearbeyden, is gesunnen etc., dat denne etlike tyd is vorholden unde nicht vullenbracht geworden, sunder de duchtige Iko Onneken, to Krypenzee unde Inhusen hovetling, also vormiddels Lubben Onneken unde Alleken kindere, den van broke der sake halven van eynem dage, des achteden dages sancti Jacobi to Waddensen in Butjaden eder to Douwensen to lestende, hadde gescreven, welcke stede denne myt den besten syn vorlecht, unde van juwen unde unsen sendeboden, de to Antworpe weren, den sodanes in erer wedderkumpst to Bremen vorgeholden, begert is geworden to vorfogende, sodane vruntlick dach eyne tyd upgeschoven, vorlenget unde uppe desse syde der Weser to Bremen eder Stade gelestet unde geholden mochte werden, dat also van den van Bremen vorscreven unde darup scryfftlike antworde gesunnen unde begert is, van welcken antworde wy noch nicht syn vorsekert; unde wante wy uns befruchten, desulven Vresen, nademe id nicht lenger dan des sondages na Jacobi in gude steyt, den juwen unde unsen schaden to mochten vogen, weren wy darumme wol geneget, so veren juwer ersamheiden beduchte unde gy des ock so to doende weren gesynnet, unsen kopman deshalven to warschuwende. Beduchte juw ock sodanes nicht nutte, sunder geraden des antwordes to vorbeydende, ock offt juw belevede des antwordes vormaninge by den van Bremen to doende, umme alle ummestendicheid to erfarende, eder wes juw in den dingen nuttest unde best geraden beduncket, wo gy juw dar egentliken by werden holden, begeren wy vruntlick, uns myt den ersten unvorsumet scryfftlick to vormeldende, dar wy uns gelyck juw mogen weten na to richtende. Vorschulden wy na geboere, kennet God, de juw salichliken bewaere. Screven under unser stad secret, amme avende Jacobi apostoli, anno etc. XCIo.
Post salutationem. Ersame, wyse unde vorsichtige heren, bisunderen leven unde guden vrunde. So denne to mer malen van juw unde uns by juwen unde unsen vrunden van Bremen scryfftlick unde ock muntlick, dat se dat bestand tusschen den Vresen, Alleken unde Lubben Onneken kynderen, noch to etliken tyden to vorlengende, mochten bearbeyden, is gesunnen etc., dat denne etlike tyd is vorholden unde nicht vullenbracht geworden, sunder de duchtige Iko Onneken, to Krypenzee unde Inhusen hovetling, also vormiddels Lubben Onneken unde Alleken kindere, den van broke der sake halven van eynem dage, des achteden dages sancti Jacobi to Waddensen in Butjaden eder to Douwensen to lestende, hadde gescreven, welcke stede denne myt den besten syn vorlecht, unde van juwen unde unsen sendeboden, de to Antworpe weren, den sodanes in erer wedderkumpst to Bremen vorgeholden, begert is geworden to vorfogende, sodane vruntlick dach eyne tyd upgeschoven, vorlenget unde uppe desse syde der Weser to Bremen eder Stade gelestet unde geholden mochte werden, dat also van den van Bremen vorscreven unde darup scryfftlike antworde gesunnen unde begert is, van welcken antworde wy noch nicht syn vorsekert; unde wante wy uns befruchten, desulven Vresen, nademe id nicht lenger dan des sondages na Jacobi in gude steyt, den juwen unde unsen schaden to mochten vogen, weren wy darumme wol geneget, so veren juwer ersamheiden beduchte unde gy des ock so to doende weren gesynnet, unsen kopman deshalven to warschuwende. Beduchte juw ock sodanes nicht nutte, sunder geraden des antwordes to vorbeydende, ock offt juw belevede des antwordes vormaninge by den van Bremen to doende, umme alle ummestendicheid to erfarende, eder wes juw in den dingen nuttest unde best geraden beduncket, wo gy juw dar egentliken by werden holden, begeren wy vruntlick, uns myt den ersten unvorsumet scryfftlick to vormeldende, dar wy uns gelyck juw mogen weten na to richtende. Vorschulden wy na geboere, kennet God, de juw salichliken bewaere. Screven under unser stad secret, amme avende Jacobi apostoli, anno etc. XCIo.
