| Nummer:oub1347 | Datum:13. Febr. 1493 | Overlevering:Editie | Vindplaats:Ostfriesisches Urkundenbuch, II, S. 377, nr. 1347 |
Rechtsspruch gegen Lubberd von Bardsen, welcher sich geweigert hatte, eine abzutragende Schuld in Goldgulden zu bezahlen.
In profesto Valentini martyris heft Bolardus anlanghet myt rechte Lubberde van Bardsen umme 45 enckelde golden Rinsgulden van eyn part schepes weghen, he van Bolardus gekoft hadde, unde he em den koep wol tostunt; men Lubbert zede, he den Rinsche gulden betalen schulde myt 36 krumstert. Des heft Boelardus vorscr. vor uns gebracht de wynkopslude, als Johan van Gronyngen, Ghisen Borgers unde Ulbeth Fecken, de dat vor uns getuget hebben ende furder myt eren eede wolden ende bereit weren to bevestigen, welke eede Lubberde der tughe en deel heft verlaten, also dat Lubbert (sculdich)[*] is gevunden zodane summe myt golden golden to betalen, unde dat in 14 daghen ofte to midvasten unverhalet by pena viff Rinsgulden.
