| Nummer:oub1427 | Datum:Emden, 15. Febr. 1495 | Overlevering:Editie | Vindplaats:Ostfriesisches Urkundenbuch, II, S. 440, nr. 1427 |
Bericht des Dietrich, Dieners des Grafen Edzard, an seinen Herrn über einen beabsichtigten Landankauf des Klosters Esens und die Streitigkeiten Hero Omkens und Edo Wiemkens.
Dem eddelen unde wolgheboernen heren Edzarde, tho Oestvreslande graven, synen gnedigen leven heren, denstliken ghescreven.
Mynen schuldighen unde behorighen denst. Eddele wolgheboerne gnedige leve here. Her Johan van Duten, juwen gnaden kappellaen, heft mij berichteth, wo Ludeke van Duten, Hermen Goltsmyt, Johan Rolefs van Meppen, hadden gheteert myt den prior van Ezenze, de nu bynnen 3 dagen van Emeden na Groningherlande ghereiset is, seggende he myt eneme herschuppe in der Merne, daer dat cloester tho Ezense enen groten part landes liggen hevet, een deel des landes scheelachtich is, deme sulften herschuppe hee synen deel ume vredes willen wulde afkopen, unde was to merken, hee uppe een gulden of dusent bij sijck hebben solde, wes des buten mij etc. unde anderen worden hadden de vorbunten juwer gnaden borgere ghefraget van den handel Hero Omkens unde juncher Eden, Yken unde Folefs halven etc.; antwordende, ick hebbe mijt Hero Omken worde na der daet daeraff gehatt, unde sede oft juwe oehme sijck in de sake mede wulden strecken, wo sick dan geboren solde; daerup Hero Omken solde geantwordet hebben: 'wij kroden uns nicht wes unse leven oehme mijt eren undersaten doen, hebben se doch mijnen broder 4 dorpe nomen, angeseen he eme nicht horsam of underdanich wesen wulde, so hebben wy ock deese nu gedaen, wes willen see syck daer ock an strecken, wes wy mijt unsen undersaten doen.' Ock forder hadde hee gesecht, dat Her Omken solde gesecht hebben: 'de stede synt uns nicht wol wegen ume derjenen willen, de eme er guet tor sewert nemen. Nu hebben wij gescreven an de stede Lubeck unde Hamborch etc., wij hebben nu dejenen in unsen hechten sittene, de juw dat juwe dagelix tor sewert nemen, willen gij see, nu hebben wij willen se juw leven waer gij dee hebben willen tho juwer begerten' etc., dijt Hermen Goltsmijt, Ludeke van Duten unde Johan Rolefs wol willen staen, see sodaen van den prior hebben gehoert, gheve ick juwer gnaden denstliken erkennen, uth underrichtinge her Johans van Duten, oft ock de prior enen anderen wech forder dencket tho reisene unde de Merne sij dat wort, twyvelen de lude seer an, daerupp juwe gnade mytten besten mach irdencken, de welke vilgen. gnade Gode almachtich tho langen heylsamen tijden sij bevalen in gesunder geluckigher walvaert. Datum Emeden, ame sondage na Valentini, anno XCo quinto.
Diricus, juwer gnaden dener.
Mynen schuldighen unde behorighen denst. Eddele wolgheboerne gnedige leve here. Her Johan van Duten, juwen gnaden kappellaen, heft mij berichteth, wo Ludeke van Duten, Hermen Goltsmyt, Johan Rolefs van Meppen, hadden gheteert myt den prior van Ezenze, de nu bynnen 3 dagen van Emeden na Groningherlande ghereiset is, seggende he myt eneme herschuppe in der Merne, daer dat cloester tho Ezense enen groten part landes liggen hevet, een deel des landes scheelachtich is, deme sulften herschuppe hee synen deel ume vredes willen wulde afkopen, unde was to merken, hee uppe een gulden of dusent bij sijck hebben solde, wes des buten mij etc. unde anderen worden hadden de vorbunten juwer gnaden borgere ghefraget van den handel Hero Omkens unde juncher Eden, Yken unde Folefs halven etc.; antwordende, ick hebbe mijt Hero Omken worde na der daet daeraff gehatt, unde sede oft juwe oehme sijck in de sake mede wulden strecken, wo sick dan geboren solde; daerup Hero Omken solde geantwordet hebben: 'wij kroden uns nicht wes unse leven oehme mijt eren undersaten doen, hebben se doch mijnen broder 4 dorpe nomen, angeseen he eme nicht horsam of underdanich wesen wulde, so hebben wy ock deese nu gedaen, wes willen see syck daer ock an strecken, wes wy mijt unsen undersaten doen.' Ock forder hadde hee gesecht, dat Her Omken solde gesecht hebben: 'de stede synt uns nicht wol wegen ume derjenen willen, de eme er guet tor sewert nemen. Nu hebben wij gescreven an de stede Lubeck unde Hamborch etc., wij hebben nu dejenen in unsen hechten sittene, de juw dat juwe dagelix tor sewert nemen, willen gij see, nu hebben wij willen se juw leven waer gij dee hebben willen tho juwer begerten' etc., dijt Hermen Goltsmijt, Ludeke van Duten unde Johan Rolefs wol willen staen, see sodaen van den prior hebben gehoert, gheve ick juwer gnaden denstliken erkennen, uth underrichtinge her Johans van Duten, oft ock de prior enen anderen wech forder dencket tho reisene unde de Merne sij dat wort, twyvelen de lude seer an, daerupp juwe gnade mytten besten mach irdencken, de welke vilgen. gnade Gode almachtich tho langen heylsamen tijden sij bevalen in gesunder geluckigher walvaert. Datum Emeden, ame sondage na Valentini, anno XCo quinto.
Diricus, juwer gnaden dener.
