| Nummer:oub1541 | Datum:11. Mai 1497 | Overlevering:Editie | Vindplaats:Ostfriesisches Urkundenbuch, II, S. 539, nr. 1541 |
Die Bevollmächtigten des Grafen Edzard (vgl. Nr. oub1539) schreiben den Bevollmächtigten Edo's, dass sie sie vergeblich in Aurich erwartet hätten, da sie die Nachricht ihrer Verhinderung zu spät erhalten hätten, und laden sie nach Rücksprache mit Junker Uko zu einer Zusammenkunft auf dem Blockhause bei Brokzetel ein, wozu sie einen Geleitsbrief mitschicken.
Dem erbern unde duchtigen Olrick Beer, Ricklef unde Memmen, gebroeder to Rofhusen, unsen besundern guden frunden.
Erbarn unde duchtigen guden frunde. Wy mit itlicken andern geschickeden reede unde frunde des eddelen unde wolgebaren hern Edzardes, unten g. l. heren, juw to leve wente an dussen dach hebben uns entholden bynnen Aurick des fruntlicken dages halven, angenamen to lestende etc., hebben derwegen nu am middage donnerdages[*] juwe schrifte entfangen, entschuldigende juw de tidt to spade wolden vallen gistern am midweken by uns to kamende, ift wo de dinge synt vorbleven etc., hebben darumb juw to willen gespraken mit dem eddelen unde wolgebaren junckern Uken etc., unde willen noch alse morgen am fridage vormiddage bynnen blockhuse[*] erschinen, dar gy na juwen schriften moegen voegen sonder jeniger vortoegeringe unde mit vuller macht juwes junckern, unde besorgen juw deshalven na juwer schriften mit seligen unde sekern geleide. Gade dem Hern befalen. Screven am donnerdage vor Pinxten, anno etc. XCVIIo.
Hermannus Wessel, pastor to Emden,
Theodericus Valcke, pastor to Lerelt.
Begeren dusset juw richtige beschreven unde tovorlatige antwort by dessen jegenwardigen baden.
Erbarn unde duchtigen guden frunde. Wy mit itlicken andern geschickeden reede unde frunde des eddelen unde wolgebaren hern Edzardes, unten g. l. heren, juw to leve wente an dussen dach hebben uns entholden bynnen Aurick des fruntlicken dages halven, angenamen to lestende etc., hebben derwegen nu am middage donnerdages[*] juwe schrifte entfangen, entschuldigende juw de tidt to spade wolden vallen gistern am midweken by uns to kamende, ift wo de dinge synt vorbleven etc., hebben darumb juw to willen gespraken mit dem eddelen unde wolgebaren junckern Uken etc., unde willen noch alse morgen am fridage vormiddage bynnen blockhuse[*] erschinen, dar gy na juwen schriften moegen voegen sonder jeniger vortoegeringe unde mit vuller macht juwes junckern, unde besorgen juw deshalven na juwer schriften mit seligen unde sekern geleide. Gade dem Hern befalen. Screven am donnerdage vor Pinxten, anno etc. XCVIIo.
Hermannus Wessel, pastor to Emden,
Theodericus Valcke, pastor to Lerelt.
Begeren dusset juw richtige beschreven unde tovorlatige antwort by dessen jegenwardigen baden.
