| Nummer:oub1567 | Datum:25. Jan. 1498 | Overlevering:Editie | Vindplaats:Ostfriesisches Urkundenbuch, II, S. 559, nr. 1567 |
Testament des Häuptlings Eger Kankena, Tanno's Sohn, zu Dornum und Wittmund.
In dem namen Godes. Amen. In dem jar na der seligher boert unses leven Heren Jhesu Christi, do men screef Mo CCCCo un XCVIIo, in dem daghe des hillighen biscopes un martilers Felicis, un is des 12 daghes des maents Octobris, ick Egher Tannen, van Dornum un Witmunde hovetling, heb overghemarket in myner krankheit, dat ick un all de mynschen starflick syn, un dat dar nicht wyssers is dan der doet, un nicht unwissers dan de ure un stunde des dodes:
Hyrumme heb ick Egher vorbenoempt ghemaket un gheset by wetenheit myner synnen un walberaden mode myn testament un lesten wylle in jegenwordicheit des werdighen hilligen sacraments un der tughe, de dar sunderlinghes to gheeschet un gheropen synt na mate un wyse so hyrna bescreven sinnt:
Int erste so bevele ick Gode in de ure mynes dodes un syner benedider moder, mynen hilligen apostolen Petro et Paulo, un mynen werdighen patroen sancto Bartholomeo, un alle Godes hillighen myne zele, un mynen starfflicken licham der christliker groven to Dornum in de karke, dar ick beghere to rouwende by mynen olders. Ock up demede ick nicht ungeschicket werde ghevunden myner tytliken gudere, de ick nalaten werden up desser elenden bedroveder werlt, so wyl ick int erste, wer sake myn hussvrow sick myt den kindern nicht kunde vorlyken, myne kinder eer scholen volghen laten eer vaderlike arve, dar se eer lyfftuch sal van hebben. Ock wyl ick, dat myne kindern un sones scholen volghen laten myner dochter Nonen desse nabescreven arve, welck ick eer gheve to brutschatte, un dar men eer sal mede beraden. Int erst dat lant to dem grashuse, un dat arve to Imkenborch, un den meyer to Toqwart, Haye Tyabbeltz. Ock bekenne ick Egher, dat myn vader, dewyle alss he noch milder dechtnisse up Witmunde was, sick vorlikede myt junghe Mentzen to Noertdorpe um den tegheden up den hert to Oesterackum, so dat myn vader behelt den tegheden by der oestersyt der Valster, wante de in unser heerlicheit to Witmunde was beleghen, unde junghe Mentze behelt den tegheden by der westerzyt der Valster, so dat zyn tegbede achterna krech junkher Oelrick, un also quam de teghede up. de borch Ezens. Ock bekenne ick Egher Tannen, dat dat lant dat Onne[*] to Lowensenwerve plach to bruken, un is sestehalf stige hundert, dat nu my entweldighet hebben zelighen Dyden kyndern, my van Godes rechte tohoert un myn vader dat unbesperrt, dewyle he up Witmunde wonede, un ock achterna plach to brukende, un ick achterna een tyd lanck, un hoert nicht to Moye Hyldeths lant. Ock bekenne ick Egher Tannen, dat dat lant to der Bonnenborch in Zevenwerder karspel Godes un uns to hoert, un myn vader dat stede in vredesam besyt hefft ghehat, men alss wy qwyt worden Witmunde, do woert uns dat arve entweldighet van Alke to Inhusen un sinen brodern. Item van dem erve to Moerswerven offt Utthel, un in 28 demet, in my anders nicht wytlick, alss my Hicke Boynghs sede, dyt hoerde mynen vader to, un zelighe her Sybe my wysede in dat besith. Item van dem lande to Dodehusen en weet ich anders nicht, men wy dat hebben vor dat lant to Ysmess van dem kloester to Bursmonken. Ock bekenne ick Egher in mynen latesten un in dessem testamente, dat greve Oelrick milder deehtnisse mynen vader un my un unsen rechten erven to ewighen tyden hefft to gode geven un to unsen wyllen unse meyer to Dornum un in de grade wonende synt up unse erven un werven, so dat se uns den hoffdenst scholen doen un anders nemande. Ock bekenne ick Egher, dat ich eweliker wesselinghe heb ghewesselt myt Folkert Sunken to Harkedeep, den ick heb gheven to Ness twe hamme un een halff demet landes, als de Kalverhamm un Smalegrode, un is 13 demet, dess he my wedder daen hefft 14 demede, de beyden zylhammer in Pester hammercke. Ock bekenne ich Egher in mynen latesten, dat Her Omken my nomen hefft, synt wy myt em ploytet hebben, int erst 6 demet to Asel, un de hamm het de Snepel, un Toqwart zelighe Gretheken lant, un is 30 demet, un Moersswerven 28 demet, un Folckert Rynsten laut in de Oestzeryme, un ock heb ick ghekofft to enen steden vasten ewighen arffkope van junghe Ed to Neess 2 demede bowlandes, beleghen up unser gast to Dornum vor 4 stige Arnssgulden, un heb dat wol betalet. Ock bekenne ick Egher, dat de driffte, de dar uthgheit int norden van des pravestes borch na myner ettinghe na dat nye land, my un mynen kindern tokumpt, want ick de heb gantz to my ghewesselt van Hero Mauritz, un heb em darvor gheven 2 acker up de Drywerde. Ock bekenne ick, da Hero Ghobken van my hefft den werff, dar he up wonet, un 8 demet landes, un is mestepart bowlant, un dat ander licht by synem huse by synen koelthuen, un ock dat laut un werve, dar Pykeleff Tzynden un Upke Tzynden up wonen is, myn zelighe moders un my tohorich is un mynen kynderen. Tho dem alderlatesten den to dencken, dat wy leyder van unsen vrunden vaken werden vorgheten in dem ghebede der hillighen karken, so heb ick un myn husvrow ghestichtet un stichten jeghenwordich in dessem testamente van unsen beyden guderen esse ewighe synghende misse in de ere des hillighen cruces vor uns, unse vorarven un naarven to ewighen (tyden) in de karke to Dornum, un gheven darto 12 demade landes dem karkheren her Hinrick, her Meynert, un oren navolgheren, dat sodane mysse ghelyek scholen un enem jewelick to synem antal 4 demet landes. Dat alle artikele un puncte gheroret in dessem testamente also in der warheit sint, wyl irk Egher Tannen vorbenompt bebaut staen, un dat nemen up myn leste hennevaert un salicheit myner zelen, un heb ghebeden unsen karkheren un unse andern prestern, her Hinrick un her Meynert, dat se wollen tughenisse geven desses testamentes, un mit eren zeghelen[*] to bevestighende. Alss wy presteren vorbenomet al dinck alss hyr vorbenompt is in der warheit van em so ghehoert hebben un ghescheen un ghemaket is, hefft een van uns allen um ghebreke unser zeghele, alss ick Enno Pappen, to Dornum karkher, myn inghezeghel witliken hanghen beneden ant spacium desses testamentes. Ghescreven in dem jare na der zeligher boert Christi Mo CCCCo XCVIIIo, conversionis sancti Pauli.
L. S. Henricus Wilde, notarius caesareus, beglaubigt die nach dem Original gemachte Abschrift.
Hyrumme heb ick Egher vorbenoempt ghemaket un gheset by wetenheit myner synnen un walberaden mode myn testament un lesten wylle in jegenwordicheit des werdighen hilligen sacraments un der tughe, de dar sunderlinghes to gheeschet un gheropen synt na mate un wyse so hyrna bescreven sinnt:
Int erste so bevele ick Gode in de ure mynes dodes un syner benedider moder, mynen hilligen apostolen Petro et Paulo, un mynen werdighen patroen sancto Bartholomeo, un alle Godes hillighen myne zele, un mynen starfflicken licham der christliker groven to Dornum in de karke, dar ick beghere to rouwende by mynen olders. Ock up demede ick nicht ungeschicket werde ghevunden myner tytliken gudere, de ick nalaten werden up desser elenden bedroveder werlt, so wyl ick int erste, wer sake myn hussvrow sick myt den kindern nicht kunde vorlyken, myne kinder eer scholen volghen laten eer vaderlike arve, dar se eer lyfftuch sal van hebben. Ock wyl ick, dat myne kindern un sones scholen volghen laten myner dochter Nonen desse nabescreven arve, welck ick eer gheve to brutschatte, un dar men eer sal mede beraden. Int erst dat lant to dem grashuse, un dat arve to Imkenborch, un den meyer to Toqwart, Haye Tyabbeltz. Ock bekenne ick Egher, dat myn vader, dewyle alss he noch milder dechtnisse up Witmunde was, sick vorlikede myt junghe Mentzen to Noertdorpe um den tegheden up den hert to Oesterackum, so dat myn vader behelt den tegheden by der oestersyt der Valster, wante de in unser heerlicheit to Witmunde was beleghen, unde junghe Mentze behelt den tegheden by der westerzyt der Valster, so dat zyn tegbede achterna krech junkher Oelrick, un also quam de teghede up. de borch Ezens. Ock bekenne ick Egher Tannen, dat dat lant dat Onne[*] to Lowensenwerve plach to bruken, un is sestehalf stige hundert, dat nu my entweldighet hebben zelighen Dyden kyndern, my van Godes rechte tohoert un myn vader dat unbesperrt, dewyle he up Witmunde wonede, un ock achterna plach to brukende, un ick achterna een tyd lanck, un hoert nicht to Moye Hyldeths lant. Ock bekenne ick Egher Tannen, dat dat lant to der Bonnenborch in Zevenwerder karspel Godes un uns to hoert, un myn vader dat stede in vredesam besyt hefft ghehat, men alss wy qwyt worden Witmunde, do woert uns dat arve entweldighet van Alke to Inhusen un sinen brodern. Item van dem erve to Moerswerven offt Utthel, un in 28 demet, in my anders nicht wytlick, alss my Hicke Boynghs sede, dyt hoerde mynen vader to, un zelighe her Sybe my wysede in dat besith. Item van dem lande to Dodehusen en weet ich anders nicht, men wy dat hebben vor dat lant to Ysmess van dem kloester to Bursmonken. Ock bekenne ick Egher in mynen latesten un in dessem testamente, dat greve Oelrick milder deehtnisse mynen vader un my un unsen rechten erven to ewighen tyden hefft to gode geven un to unsen wyllen unse meyer to Dornum un in de grade wonende synt up unse erven un werven, so dat se uns den hoffdenst scholen doen un anders nemande. Ock bekenne ick Egher, dat ich eweliker wesselinghe heb ghewesselt myt Folkert Sunken to Harkedeep, den ick heb gheven to Ness twe hamme un een halff demet landes, als de Kalverhamm un Smalegrode, un is 13 demet, dess he my wedder daen hefft 14 demede, de beyden zylhammer in Pester hammercke. Ock bekenne ich Egher in mynen latesten, dat Her Omken my nomen hefft, synt wy myt em ploytet hebben, int erst 6 demet to Asel, un de hamm het de Snepel, un Toqwart zelighe Gretheken lant, un is 30 demet, un Moersswerven 28 demet, un Folckert Rynsten laut in de Oestzeryme, un ock heb ick ghekofft to enen steden vasten ewighen arffkope van junghe Ed to Neess 2 demede bowlandes, beleghen up unser gast to Dornum vor 4 stige Arnssgulden, un heb dat wol betalet. Ock bekenne ick Egher, dat de driffte, de dar uthgheit int norden van des pravestes borch na myner ettinghe na dat nye land, my un mynen kindern tokumpt, want ick de heb gantz to my ghewesselt van Hero Mauritz, un heb em darvor gheven 2 acker up de Drywerde. Ock bekenne ick, da Hero Ghobken van my hefft den werff, dar he up wonet, un 8 demet landes, un is mestepart bowlant, un dat ander licht by synem huse by synen koelthuen, un ock dat laut un werve, dar Pykeleff Tzynden un Upke Tzynden up wonen is, myn zelighe moders un my tohorich is un mynen kynderen. Tho dem alderlatesten den to dencken, dat wy leyder van unsen vrunden vaken werden vorgheten in dem ghebede der hillighen karken, so heb ick un myn husvrow ghestichtet un stichten jeghenwordich in dessem testamente van unsen beyden guderen esse ewighe synghende misse in de ere des hillighen cruces vor uns, unse vorarven un naarven to ewighen (tyden) in de karke to Dornum, un gheven darto 12 demade landes dem karkheren her Hinrick, her Meynert, un oren navolgheren, dat sodane mysse ghelyek scholen un enem jewelick to synem antal 4 demet landes. Dat alle artikele un puncte gheroret in dessem testamente also in der warheit sint, wyl irk Egher Tannen vorbenompt bebaut staen, un dat nemen up myn leste hennevaert un salicheit myner zelen, un heb ghebeden unsen karkheren un unse andern prestern, her Hinrick un her Meynert, dat se wollen tughenisse geven desses testamentes, un mit eren zeghelen[*] to bevestighende. Alss wy presteren vorbenomet al dinck alss hyr vorbenompt is in der warheit van em so ghehoert hebben un ghescheen un ghemaket is, hefft een van uns allen um ghebreke unser zeghele, alss ick Enno Pappen, to Dornum karkher, myn inghezeghel witliken hanghen beneden ant spacium desses testamentes. Ghescreven in dem jare na der zeligher boert Christi Mo CCCCo XCVIIIo, conversionis sancti Pauli.
L. S. Henricus Wilde, notarius caesareus, beglaubigt die nach dem Original gemachte Abschrift.
