| Nummer:oub1657 | Datum:9. April 1500 | Overlevering:Editie | Vindplaats:Ostfriesisches Urkundenbuch, II, S. 631, nr. 1657 |
Schiedsspruch in einem über Geldangelegenheiten entstandenen Streite zwischen Hompo Hayena und Nonno Fockena.
Anno etc. quingentesimo, donredages vor Palmen, hebben Gherd van Ghelren, Lambert van Lynghe, Udo Meyens unde Frerick van Ghelren alz vulmechtighe schedeslude vorsoent unde vorlyket dusse nabescreven parten, als Hompo Hayena unde Nomno Fockena, van alle twist unde schelynge, de ze van mander kopenscup myt malkander in vortyden vorhandelt hebben mede van uthgelechten ghelde, dat Hompo vorscr. uthlecht hadde unde weder untfangen hadde van Nomnen vorscr. in dusser wise, dat Nomno scal Hompen vorser. geven 45 Arensgulden in dren jaren to betalen, dat erste part to Paschen naestkomende over eyn jacr, dat ander des anderen Paschen der naest volgenden; des derden Paeschen dar negest volgenden scal dusse summe wol betalet wezen. De dusse vruntscap nycht wil holden scal ghebroken hebben 20 Rh. gulden, half in unses gnedigen leven heren handen, de andere in dusse vorscr. schedesheren handen.
