| Nummer:oub1694 | Datum:1379 | Overlevering:Editie | Vindplaats:Ostfriesisches Urkundenbuch, II, S. 656, nr. 1694 |
Die Richter des Harlinger Landes melden dem Rathe von Bremen, dass zur Eintreibung der vot ihnen beschworenen Schulden des Heinrich Somernat von dessen Harlinger Gläubigern zwei Bevollmächtigte ernannt sind.
Honorabilibus et discretis viris dominis consulibus civitatis Bremensis Manso Yebana et Wygardus Volkardasna ac ceteri iudices terre Herlyngye promptitudinem servicii et honoris. Noveritis, quod constitutus coram nobis Ytzo Mansana ac[*] produxit Mammonem Eden et iuniorem Germarum coram nobis testes iuratos, qui prestitis corporaliter iuramentis et testificati fuerunt, quod in eorum presencia Hinricus Zomernat, eciam presente ipso Ytzone, reconnovit (sic), se teneri dicto Ytzoni 10 marcis monete Herlyngye, pro quibus sibi vendidit unum equum grisei coloris, et 24 pro una lagena butiri marcis et dictam pecuniam sibi persolvere promisit. Item Ytzo Wybecana coram nobis produxit Mammonem Walkysna et Zyboldum[*] Menisna, testes iuratos, qui iuraverunt, quod in eorum presencia Hinricus Zomernat, eciam presente Ytzoni Wybecana, recognovit, se teneri pretacto Ytzoni 30 marcis Herlingie pro uno equo rubeo, et dictam pecuniam sibi persolvere promisit. Item Hayo Erykasna coram nobis produxit Peconem Gemmona et Galtatum.[*] Meppona, testes iuratos, qui iuraverunt et testificati fuerunt, quod in eorum presencia Hinricus Zomernat, eciam presente Hayone, recognovit, se teneri 24 marcis Herlingie pro una lagena butiri et dictam pecuniam sibi persolvere promisit. Item Meynardus Ycana coram nobis Wymarum Udana et Ynekonem Edana, testes iuratos, produxit, qui iuraverunt et testificati fuerunt, quod in eorum presencia Hinricus Zomernat, eciam presente Wymaro, recognovit, se teneri dicto Wymaro 70 marcis Herlyngie pro uno equo griseo et dictam pecuniam persolvere promisit. Item Ubbo Hagena coram nobis produxit iuniorem Germarum et iuniorem Ryckelwin, [*] qui prestitis corporaliter iuramentis iuraverunt et testificati fuerunt, quod in eorum presencia Hinricus Zomernat, eciam ipso Ubbo presente, recognovit, se teneri dicto Ubboni 60 marcis monete Herlynghye[*] pro uno equo grisei coloris et 24 marcis Herlyngie pro una lagena butiri et dictam pecuniam sibi persolvere promisit. Item coram nobis Wyardus et Lubbo Ynzona produxerunt Edonem Pybana.[*] et Hyldericum Hagena, testes iuratos, qui iuraverunt, quod in eorum presencia Hinricus Zomernat, ipsis presentibus, recognovit, se teneri dicto Wyardo et Lubboni 24 marcis monete Herlyngie pro una lagena butiri et dictam pecuniam sibi persolvere promisit. Quibus testificationibus et probationibus coram nobis factis, ut prefertur, dicti Ytzo Mansana et Ytzo Wybecana et Hayo Erykesna et Menardus Ycana, Ubbo Hagana et Wygardus et Lubbo Ynsana coram nobis constituerunt et fecerunt dominum Johannem de Wytzal et Menardum Ycana et quemlibet eorum in solidum in sui nominis et eorum cuiuslibet plenipotentem procuratorem ad extorquendum dicta debita ab eodem Hinrico Zomernat et ad persipiendum (sic) et sublevandum equos, butirum et pecuniam ac alias res in civitate Bremensi arrestata occasione debitorum predictorum ac quitanciam de perceptis[*] et pactum de ulterius non petendo faciendum et prestandum et generaliter ad faciendum omnia et singula, que in premissis fuerint necessaria et que ipsi constituentes facere possent, si premissis personaliter interessent, promittentes, se gratum et ratum perpetue habituros, quidquid per dictos procuratores factum fuerit in premissis. Insuper protestamur, quod si equi, butirum et pecunia, que pro nunc, in civitate Bremensi arrestata sunt, dictis procuratoribus fuerint presentata, extunc dicti creditores ac nos et terra nostra occasione, [*] debitorum ipsius Hinrici Zomernat nolumus cives Bremenses aliquatinus impedire vel molestare sed potius promovere, et vobis consulibus et civibus referimus gratiarum actiones. In quorum testimonium et quod premissa firmiter volumus observare nos Manso Yebana et Wyardus Volkardasna sigilla nostra et terre nostre duximus appendenda.
