| Nummer:oub1708 | Datum:Den Haag, 11. Sept. 1398 | Overlevering:Editie | Vindplaats:Ostfriesisches Urkundenbuch, II, S. 666, nr. 1708 |
Herzog Albrecht van Baiern verspricht dem Widzel tom Brok und Folkmar Allena, welche ihm ihren Beistand in der Fehde gegen Groningen zugesagt haben, dass sie, wenn er die Stadt eingenomnten haben werde, bei der ihm dann obliegenden Besetzung der Obrigkeit, des Schultheissen, der Schöffen und des Raths, ihren Beirath geben dürfen.
Aelbrecht etc. doen cond allen luden, want Widzelt, heeren Ocken zoen, ende Volmaer Allen zoen ons gheloeft hebben mit horen brieven onse hulpe te worden tieghen der stadt van Groeninghen, alsoverre als ons die niet hulden en wilden ende ontfaen tot horen heer, soe hebben wij gheloeft ende gheloven mit desen brieve Widzelt en Volmaer voirscr. ende horen erven, dat wanneer wy of onse nacomelinghen die stadt van Groeninghen becraftiget hebben bi hore hulpe, dat wij dat gherecht binnen derselver stadt, dat is te weten scout, scepen ende raet na Pieter Reyners zoens doet, die daerof onse brief heeft, setten sullen bi horen rade ende goetduncken, behoudeliken ons sulke vervallen ende profyt, als ons daerof van onser heerlicheit verschinen sullen ende ghebot ende dienste, die wy over onsen ondersaten sculdich syn te hebben. In orconde etc. Ghegheven in den Haghe, upten elften dach in Septembri, anno XCVIIIo.
