| Nummer:oub1713 | Datum:9. April 1399 | Overlevering:Editie | Vindplaats:Ostfriesisches Urkundenbuch, II, S. 669, nr. 1713 |
Widzel tom Brok an Lübeck: er sei mit dem Aufschub der Tagfahrt bis zum 24. Juni einverstanden und wolle sich dem Spruche Herzog Alberts von Holland fügen, wenn ihm die Städte eine Quittung in Bezug auf den ihnen bisher zugefügten Schade, geben würden, da er ohne eine solche sich der Vitalienbrüder nicht mit Ehren entledigen könne. In Bezug auf das weggenommene Kreier-Schiff könne er nichts thun, denn die Schiffe seien vertheilt und verkauft und der Ertrag verzehrt.
Consilio Lubicensi.
Temelike grote tovoren geschreven. Wetet, ghii burgermeistere und rad to Lubeke dat ik juwen breff wol hebbe vorstan, und wil dat gerne umme des meynen copmans willen laten bestan bei up sente Johannis dach baptisten negestkomende, und sunderlix des to bliven by myns heren von Holland rade unde willen, also dat dem copmanne up der zee under desser vorscrevenen tiit neen schade schal schen van alle dengennen, dy umme mynen willen don und laten willen, up dat mye een quitancie van alzedanem schaden, de gescheen in bynnen desser tiit, van den steden werde, dar ik und myne nakomelinge an beholden syn, und wil darna gerne der stete vrund wezen und den copman vorderen na alle myner macht. Mer ik mot den gantzen hop, dy by my licht, setten up myne kost, unde ne kan si nicht met eren wol van my wizen, eer ik met der quitancie eyne bewisinge van den steden darup hebbe. So wil ik my er gantzlik untslan und ghii scholen dar vryliken to tyden. Und wan dy stede tozamene gewest hebben wat eer wille hirane sy, des scrivet my kortes juwe antworde. Item als ghii schreven umme den kreyer, des wolde ik juwen willen dar wol an geramet hebben; mer dy schepe sint overlang vorbutet und sint vorkofft en deels und al vorteret. Gescreven des neisten gudensdach na Quasimodogeniti, under myn ingezegel.
Wiidzolt, hovetling to Broke.
Temelike grote tovoren geschreven. Wetet, ghii burgermeistere und rad to Lubeke dat ik juwen breff wol hebbe vorstan, und wil dat gerne umme des meynen copmans willen laten bestan bei up sente Johannis dach baptisten negestkomende, und sunderlix des to bliven by myns heren von Holland rade unde willen, also dat dem copmanne up der zee under desser vorscrevenen tiit neen schade schal schen van alle dengennen, dy umme mynen willen don und laten willen, up dat mye een quitancie van alzedanem schaden, de gescheen in bynnen desser tiit, van den steden werde, dar ik und myne nakomelinge an beholden syn, und wil darna gerne der stete vrund wezen und den copman vorderen na alle myner macht. Mer ik mot den gantzen hop, dy by my licht, setten up myne kost, unde ne kan si nicht met eren wol van my wizen, eer ik met der quitancie eyne bewisinge van den steden darup hebbe. So wil ik my er gantzlik untslan und ghii scholen dar vryliken to tyden. Und wan dy stede tozamene gewest hebben wat eer wille hirane sy, des scrivet my kortes juwe antworde. Item als ghii schreven umme den kreyer, des wolde ik juwen willen dar wol an geramet hebben; mer dy schepe sint overlang vorbutet und sint vorkofft en deels und al vorteret. Gescreven des neisten gudensdach na Quasimodogeniti, under myn ingezegel.
Wiidzolt, hovetling to Broke.
