| Nummer:oub1716 | Datum:2. Mai 1399 | Overlevering:Editie | Vindplaats:Ostfriesisches Urkundenbuch, II, S. 671, nr. 1716 |
Lübeck meldet den preussischen Städten: dass es Herzog Albert von Holland und Witzel tom Brok wegen der Vitalienbrüder geschrieben habe, sendet die darauf von diesen erhaltenen Schreiben und die von ihm ertheilten Antworten, und motivirt seine Bemerkung, dass es die Annahme des Kompromisses durch die am 25. Juli stattfindende Versammlung vermuthe, mit der Absicht, dadurch die Vitalienbrüder um so eher bis zu diesem Tage von der See zurückzuhalten, begehrt, dass sie ihre Rathssendeboten in dieser Angelegenheit bevollmächtigen, und dies auch den livländischen Städten schreiben, und theilt mit, dass es nach Absendung jener Briefe von Hamburg die Nachricht erhalten habe, Witzel sei mit 80 seiner Leute erschlagen worden.
Honorabilibus et discretis viris, dominis proconsulibus et consulibus civitatum Prussie, nostris amicis predilectis, detur.
Unsen vruntliken grot met begerunge alles guden. Lesen frunde.. Ghii screven uns in vortiiden, dat ghii vornomen hadden, dat Witzold van dem Bruke to gnaden des hertogen und grasen in Hollande komen were; dat sulve wy ok na der tiit frescheden; darumme wy beyde, dem hertoge und ok Witzolde, leten scriven, begerende, se darto to doende, dat dy vitalienbrudere vorder dem kopmanne nenen scaden to en thogen, und dat dy herthoge Widzolde darto vormochte. Des hebben sy uns dorup wedder screven, als ghii vornemen werden an den irsten twen utscriften, dy wy ju senden hirane besloten; und wy hebben en al beyden darup geschreven, als ghii vynden werden an den anderen twen utschriften hirane besloten. Und screven en darumme des waan to van der stede wegen ... up dat artikel in eren breven begrepen, so dat Widczold der sake by deme hertogen vorschreven blyven wille, nuo desgelix dy stede der sake by em blyven willen, ... deste bet beweget werden, darto to doende, dat dy vitalienbrudere vor sendte Jacops dage sick nicht wedder utlecghen in dy zee. Bidde wy juwer leve vruntliken, dat ghii juwen radissendeboden, dy ghii hir up sente Jacops dage negestkomende hebben und senden werden, ... gheven willen, in dy sake met vuller macht to sprekende; ok dat ghii dy sake den Lyfflandischen steden ok vordan vorkundigen, dat sy dat ok alzo holden moghen. Jodoch als wy dy breve, sprekende an den herthogen to Holland und Widzolde, alrede wech gesant hadden, do schreff uns dy rad to Hamborgh, dat sy warliken vornomen hadden und berichtet weren, dat dyzulve Widzold wol met 80 siner deneren dot geslagen were. Desser breve es twe, een to watere, dy ander to lande; oft dy ene vorloren worde, dat dy ander jo vortqweme. Scriptum under unserm secret, des frydagis na Philippi et Jacobi, int jar 99.
Consules civitatis Lubicensis.
Unsen vruntliken grot met begerunge alles guden. Lesen frunde.. Ghii screven uns in vortiiden, dat ghii vornomen hadden, dat Witzold van dem Bruke to gnaden des hertogen und grasen in Hollande komen were; dat sulve wy ok na der tiit frescheden; darumme wy beyde, dem hertoge und ok Witzolde, leten scriven, begerende, se darto to doende, dat dy vitalienbrudere vorder dem kopmanne nenen scaden to en thogen, und dat dy herthoge Widzolde darto vormochte. Des hebben sy uns dorup wedder screven, als ghii vornemen werden an den irsten twen utscriften, dy wy ju senden hirane besloten; und wy hebben en al beyden darup geschreven, als ghii vynden werden an den anderen twen utschriften hirane besloten. Und screven en darumme des waan to van der stede wegen ... up dat artikel in eren breven begrepen, so dat Widczold der sake by deme hertogen vorschreven blyven wille, nuo desgelix dy stede der sake by em blyven willen, ... deste bet beweget werden, darto to doende, dat dy vitalienbrudere vor sendte Jacops dage sick nicht wedder utlecghen in dy zee. Bidde wy juwer leve vruntliken, dat ghii juwen radissendeboden, dy ghii hir up sente Jacops dage negestkomende hebben und senden werden, ... gheven willen, in dy sake met vuller macht to sprekende; ok dat ghii dy sake den Lyfflandischen steden ok vordan vorkundigen, dat sy dat ok alzo holden moghen. Jodoch als wy dy breve, sprekende an den herthogen to Holland und Widzolde, alrede wech gesant hadden, do schreff uns dy rad to Hamborgh, dat sy warliken vornomen hadden und berichtet weren, dat dyzulve Widzold wol met 80 siner deneren dot geslagen were. Desser breve es twe, een to watere, dy ander to lande; oft dy ene vorloren worde, dat dy ander jo vortqweme. Scriptum under unserm secret, des frydagis na Philippi et Jacobi, int jar 99.
Consules civitatis Lubicensis.
