| Nummer:oub1752 | Datum:Meppen, 10.-13. Juni 1409 | Overlevering:Editie | Vindplaats:Ostfriesisches Urkundenbuch, II, S. 708, nr. 1752 |
Verhandlungen zwischen den Rathssendeboten von Hamburg und Lüneburg und dem Bischof Otto IV. von Münster.
In sunte Felicianus avende (8. Juni) quemen her Meynhard Buxstehude unde her Hinrik Viscule, borgermestere van Hamborg unde Luneborg, to Meppen im jar 1409 to den dedingen juncheren Kenes unde Hisseken provestes van Emeden, alzo de deding ramet worden vor Emeden.
1. Des sondages (9. Juni) ward nicht rainet an den vorsereven dedinghen, wante de here bisschop van Munster noch do to der tyt nicht komen was, men he quam dessulven avendes.
2. Des manendaghes (10. Juni) do worde wi vorbodet an de kerken to Meppen, unde dar quam de here van Gheme, her Hermen van Keppel unde de voghet van Meppen unde des biscopes official van des biscopes weghen van Munster; unde beyde partie dar vraghet ward, eft en islik van beyden partien so komen were myt synen scedesluden, alzo he rechtes neten unde untgelden wolde, na utwising des compromisses maket vor Emeden, alzo bi dem heren vader biscope van Munster unde synen rade, dem heren van Gheme, heren Hermen van Keppelo vorscreven, bi dem rade van Hamborg alzo her Meynhard Buxstehude, van Luneborg her Hinrich Visculen, van Groning Coppe Jaries unde Rading, her Bertholde kerkhere to Groning unde bi den proveste van Humelen; dar se ja to zeden; ze wolden des zo bliven bi utwising des compromisses.
3. Dessulven dages do sprak her Bertolt vorscreven van Hisseken weghen, dat Keen were neddervellich syner sake, nachtem dat he syne claghe nicht hadde sant alzo wol to GronDing also to Hamborg na utwising des compromisses. Dar antworde junchere Mauricius to van Kene weghen, scolde Kene neddervellich wesen, so moste Hisseke ok neddervellich wesen, nachtem dat he syne claghe nicht hadde sand to Hamborg besegelet na utwising des compromisses, mer an ener rulleken van papire myt enem vadem bewunden, unde synen besloten bref dar bi. Ok zo sede min here Mauricius, dat desse sake alle dal slaghen were up dem latesten daghe, dar her Marquart unde here Hilmer weren. Dar de partye twedrachtich over weren, unde setten dat an den heren van Munster unde synen raet. Dat de here van Munster junchere Mauricius alzo nicht tostunt, mer de dach de were alzo vorlenghet up dessen dach, in aller wise alzo he vor Emeden ramet ward, na utwising des compromisses. Junchere Mauricius sede vort, dat Hisseke nemant scolde nemen an der Westvresen stede, nachtem dat de Westvresen sich unsculdeghet hadden mer myt dem Hollandeschen kryghe, dat se up dessen dach nicht komen mochten; unde de Hollandesche krich were vredet, darumme mere de unsculdeng nicht. Unde dat ward aver an mynen heren scoten, unde dar worden de deding up den dach mede sloten.
4. Des dinxdaghes (11. Juni) quemen beyde partie myt eren vrunden und mynes heren raet van Munster up dat sand bi de brughe. Unde dar ward dale slaghen alle de vorsake vorscreven na willen beyder partie, mer dat malk syne scedeslude darto scickede, de rechten sake to scedende. Do hadde Hisseke den deken van Osenbruge decretorum doctor unde Hermen Korf nomen to eren scedesluden. Darto van Kenen weghen to antwordet wart, nachtem dat ze an des biscopes sworen rade van Munster weren unde de biscop ze dar nicht to scicket hadde, zo mochten ze ok Hisseken scedeslude nicht wesen. Dit vand des heren van Munster raet unde de van Hamborg unde Luneborg vor recht, nachtem de biscop van Munster de syne ut synem rade alrede sciket hadde to den dedinghen, mer Hisseke mochte ze wol an syne achte nemen.
5. Do worden de scedeslude to hope laden unde doch under en overeen draghen, dat nemant an nene achte gan scolde van beyden partien, ok nenen raet gheven scolde an engher syden, mer eyn islik scolde helpen, na syner consciencien, to dem menen besten unde dem rechten rechte de sake to scedende efte an vrunscop.
6. Do koren de vorscreven partie vorspraken alzo Keen juncheren Mauricius unde Johanne van Scaghen, Hisseke koes den deken van Osenbrughen decretorum doctorem unde Hermen Korf van den Horkoten.
7. Int erste ward vraghet van Kenes vorspraken, eft dar wes sceen were bynnen dem vrede des compromisses, men scolde yt tovoren richten. Dar de scedeslude to antworden, dat yt tovoren gan moste.
8. Des claghede Kenes vorsprake over Hisseken, dat he Wisseles dochterman vanghen hadde bynnen dessem vorscreven vrede unde hadde em dat syne nomen.
9. Dar Hisseken to antworde myt synen vorspraken, dat de vorscreven man borde em to vordedinghen; unde dat he vanghen were, dat were sunder syne wiscop sceen, mer do yt vor em quam, do ward de vorscreven man quid myt deme, dat eme nomen was; unde Hisseke wolde dat richten, de dat daen hadden. Unde an dem antworde noghede Kene wol.
10. Item claghede Kenes vorspraken over Ennen van Norde, dat bynnen dessem vorscreven vrede weren ytlike ut synem bede varen unde dar wedder in, unde hedden ytlike koplude vanghen ut Kenes bede, de to Groning to markede wesen hadden, unde en dat ere nomen, wol 8 stighe gulden. Dar Enno neen to sede, unde wolde sik des untladen, wo de scedeslude seden, dat recht wer. Dar eme vunden, dat he sik myt synem rechte untladen mochte. Do quam Kenen vorsprake unde sede, dat de vorscreven under Ennen segel untsecht hadden unde Enno ze an synen vrede nomen hadde; he scolde dar nicht vor richten, wante he dat wol bewisen wolde myt eres sulves untsecghebreve. Dar Hisseken vorsprake up antworde, dat he dat an syner vorclaghe nicht hadde, darumme mochte he dat nu nicht to helpe nemen; unde wolde des bliven bi den scedesluden. De darup vunden, dat he des nicht to helpe nemen mochte, nachtem dat he dat an der vorclaghe nicht en hadde, wante dar hadde nemant zo gud recht, he mochte yt vorspaden efte vorsumen; darumme mochte he sik noch untladen, alzo he er boden hadde. Welken eet de scedeslude afbeden.
11. Item claghede Hisseken vorsprake over Keen, dat he bynnen der tyt des vredes mer tollen nomen hadde, wan oldinges wonelich wesen hadde, to Dedarden, unde enen nyen tollen to Osterhusen lecht, dat nicht wesen scolde na dem compromisse. Itern zo hadde he vitalienbroders utemaket up den kopman, dat ok nicht wesen scolde na utwising des compromisses. Dar Kene to antworde, dat he nenen tollen hadde nemen laten efte nomen; unde eft enich van den synen den nomen hadde to Osterhusen, dat wolde he richten, alzo sik dat borede. Men to Detarden, dar gheve men brugheghelt, dar men de bruge mede helde unde de kerken, dar neme men nu myn, wan dat men oldinges nam. An desser antworde noghede der wedderpartie wol.
12. Item to den vitalienbroderen antworde he, he hadde syne dener utesand up den hertoghen van Hollande, de syn viant were; hadden ze dein kopman ichtes nomen, dat scolden ze wedder richten; unde he wolde vortan doen dar umme, wes he plichtich were na utwising des compromisses. Dar noghede en wol an.
13. Des mydwekens (12. Juni) do gaf men antworde van beyden syden uppe de claghe, de ze overgheven hadden den seedesluden. Unde de scedeslude worden des enes under sik, dat se sik des dages wolden beweren myt der vrunscop unde dencken vortan up dat recht bet des donredage morgens (13. Juni), unde dan vortan to hope komende an donredage, to sprekende an dat recht, weret dat ze de vrunscop nicht vinden konden.
14. Des donredaghe morghens do queme wi wedder up dat sand, unde scolden spreken an dat recht. Do villen de van Groning zo wunderik an dat recht, dat her Hinrich unde ik beden berades, up dat recht to sprekende. Des uns de van Groning weygherden. Dar wi up ordeleden unde hopeden, dat wi dat van rechte hebben mochten, unde scoten dat recht vor mynen heren van Munster, de uns tovand an dem rechte 6 weken.
15. Hirup zo ward de dachvard der sceding lecht up unser Vrowen concepcionis (8. Dezember), dat beyde partie dar den warnemen scolen; unde wes dar an rechte eft an vrunscop sceden werd, gansliken to holdende up alzodan bute unde pene, alzo de scedeslude darup settende werden; ende wat bewising malk neten unde untgelden wil an rechte, de mede to bringhende; unde we sich darane vorsumede, de mochte dat na der tyt nicht vorhalen; unde de vrede ward vorlenghet bet epyphanie Domini negestkomende. Den hebbet ze van beyden syden truweliken lovet to holdende sunder alle arch unde list, alzo de breve dat clarliken utwisen van beydent syden darup ghemaket, de bi dem heren van Munster lecht worden.
1. Des sondages (9. Juni) ward nicht rainet an den vorsereven dedinghen, wante de here bisschop van Munster noch do to der tyt nicht komen was, men he quam dessulven avendes.
2. Des manendaghes (10. Juni) do worde wi vorbodet an de kerken to Meppen, unde dar quam de here van Gheme, her Hermen van Keppel unde de voghet van Meppen unde des biscopes official van des biscopes weghen van Munster; unde beyde partie dar vraghet ward, eft en islik van beyden partien so komen were myt synen scedesluden, alzo he rechtes neten unde untgelden wolde, na utwising des compromisses maket vor Emeden, alzo bi dem heren vader biscope van Munster unde synen rade, dem heren van Gheme, heren Hermen van Keppelo vorscreven, bi dem rade van Hamborg alzo her Meynhard Buxstehude, van Luneborg her Hinrich Visculen, van Groning Coppe Jaries unde Rading, her Bertholde kerkhere to Groning unde bi den proveste van Humelen; dar se ja to zeden; ze wolden des zo bliven bi utwising des compromisses.
3. Dessulven dages do sprak her Bertolt vorscreven van Hisseken weghen, dat Keen were neddervellich syner sake, nachtem dat he syne claghe nicht hadde sant alzo wol to GronDing also to Hamborg na utwising des compromisses. Dar antworde junchere Mauricius to van Kene weghen, scolde Kene neddervellich wesen, so moste Hisseke ok neddervellich wesen, nachtem dat he syne claghe nicht hadde sand to Hamborg besegelet na utwising des compromisses, mer an ener rulleken van papire myt enem vadem bewunden, unde synen besloten bref dar bi. Ok zo sede min here Mauricius, dat desse sake alle dal slaghen were up dem latesten daghe, dar her Marquart unde here Hilmer weren. Dar de partye twedrachtich over weren, unde setten dat an den heren van Munster unde synen raet. Dat de here van Munster junchere Mauricius alzo nicht tostunt, mer de dach de were alzo vorlenghet up dessen dach, in aller wise alzo he vor Emeden ramet ward, na utwising des compromisses. Junchere Mauricius sede vort, dat Hisseke nemant scolde nemen an der Westvresen stede, nachtem dat de Westvresen sich unsculdeghet hadden mer myt dem Hollandeschen kryghe, dat se up dessen dach nicht komen mochten; unde de Hollandesche krich were vredet, darumme mere de unsculdeng nicht. Unde dat ward aver an mynen heren scoten, unde dar worden de deding up den dach mede sloten.
4. Des dinxdaghes (11. Juni) quemen beyde partie myt eren vrunden und mynes heren raet van Munster up dat sand bi de brughe. Unde dar ward dale slaghen alle de vorsake vorscreven na willen beyder partie, mer dat malk syne scedeslude darto scickede, de rechten sake to scedende. Do hadde Hisseke den deken van Osenbruge decretorum doctor unde Hermen Korf nomen to eren scedesluden. Darto van Kenen weghen to antwordet wart, nachtem dat ze an des biscopes sworen rade van Munster weren unde de biscop ze dar nicht to scicket hadde, zo mochten ze ok Hisseken scedeslude nicht wesen. Dit vand des heren van Munster raet unde de van Hamborg unde Luneborg vor recht, nachtem de biscop van Munster de syne ut synem rade alrede sciket hadde to den dedinghen, mer Hisseke mochte ze wol an syne achte nemen.
5. Do worden de scedeslude to hope laden unde doch under en overeen draghen, dat nemant an nene achte gan scolde van beyden partien, ok nenen raet gheven scolde an engher syden, mer eyn islik scolde helpen, na syner consciencien, to dem menen besten unde dem rechten rechte de sake to scedende efte an vrunscop.
6. Do koren de vorscreven partie vorspraken alzo Keen juncheren Mauricius unde Johanne van Scaghen, Hisseke koes den deken van Osenbrughen decretorum doctorem unde Hermen Korf van den Horkoten.
7. Int erste ward vraghet van Kenes vorspraken, eft dar wes sceen were bynnen dem vrede des compromisses, men scolde yt tovoren richten. Dar de scedeslude to antworden, dat yt tovoren gan moste.
8. Des claghede Kenes vorsprake over Hisseken, dat he Wisseles dochterman vanghen hadde bynnen dessem vorscreven vrede unde hadde em dat syne nomen.
9. Dar Hisseken to antworde myt synen vorspraken, dat de vorscreven man borde em to vordedinghen; unde dat he vanghen were, dat were sunder syne wiscop sceen, mer do yt vor em quam, do ward de vorscreven man quid myt deme, dat eme nomen was; unde Hisseke wolde dat richten, de dat daen hadden. Unde an dem antworde noghede Kene wol.
10. Item claghede Kenes vorspraken over Ennen van Norde, dat bynnen dessem vorscreven vrede weren ytlike ut synem bede varen unde dar wedder in, unde hedden ytlike koplude vanghen ut Kenes bede, de to Groning to markede wesen hadden, unde en dat ere nomen, wol 8 stighe gulden. Dar Enno neen to sede, unde wolde sik des untladen, wo de scedeslude seden, dat recht wer. Dar eme vunden, dat he sik myt synem rechte untladen mochte. Do quam Kenen vorsprake unde sede, dat de vorscreven under Ennen segel untsecht hadden unde Enno ze an synen vrede nomen hadde; he scolde dar nicht vor richten, wante he dat wol bewisen wolde myt eres sulves untsecghebreve. Dar Hisseken vorsprake up antworde, dat he dat an syner vorclaghe nicht hadde, darumme mochte he dat nu nicht to helpe nemen; unde wolde des bliven bi den scedesluden. De darup vunden, dat he des nicht to helpe nemen mochte, nachtem dat he dat an der vorclaghe nicht en hadde, wante dar hadde nemant zo gud recht, he mochte yt vorspaden efte vorsumen; darumme mochte he sik noch untladen, alzo he er boden hadde. Welken eet de scedeslude afbeden.
11. Item claghede Hisseken vorsprake over Keen, dat he bynnen der tyt des vredes mer tollen nomen hadde, wan oldinges wonelich wesen hadde, to Dedarden, unde enen nyen tollen to Osterhusen lecht, dat nicht wesen scolde na dem compromisse. Itern zo hadde he vitalienbroders utemaket up den kopman, dat ok nicht wesen scolde na utwising des compromisses. Dar Kene to antworde, dat he nenen tollen hadde nemen laten efte nomen; unde eft enich van den synen den nomen hadde to Osterhusen, dat wolde he richten, alzo sik dat borede. Men to Detarden, dar gheve men brugheghelt, dar men de bruge mede helde unde de kerken, dar neme men nu myn, wan dat men oldinges nam. An desser antworde noghede der wedderpartie wol.
12. Item to den vitalienbroderen antworde he, he hadde syne dener utesand up den hertoghen van Hollande, de syn viant were; hadden ze dein kopman ichtes nomen, dat scolden ze wedder richten; unde he wolde vortan doen dar umme, wes he plichtich were na utwising des compromisses. Dar noghede en wol an.
13. Des mydwekens (12. Juni) do gaf men antworde van beyden syden uppe de claghe, de ze overgheven hadden den seedesluden. Unde de scedeslude worden des enes under sik, dat se sik des dages wolden beweren myt der vrunscop unde dencken vortan up dat recht bet des donredage morgens (13. Juni), unde dan vortan to hope komende an donredage, to sprekende an dat recht, weret dat ze de vrunscop nicht vinden konden.
14. Des donredaghe morghens do queme wi wedder up dat sand, unde scolden spreken an dat recht. Do villen de van Groning zo wunderik an dat recht, dat her Hinrich unde ik beden berades, up dat recht to sprekende. Des uns de van Groning weygherden. Dar wi up ordeleden unde hopeden, dat wi dat van rechte hebben mochten, unde scoten dat recht vor mynen heren van Munster, de uns tovand an dem rechte 6 weken.
15. Hirup zo ward de dachvard der sceding lecht up unser Vrowen concepcionis (8. Dezember), dat beyde partie dar den warnemen scolen; unde wes dar an rechte eft an vrunscop sceden werd, gansliken to holdende up alzodan bute unde pene, alzo de scedeslude darup settende werden; ende wat bewising malk neten unde untgelden wil an rechte, de mede to bringhende; unde we sich darane vorsumede, de mochte dat na der tyt nicht vorhalen; unde de vrede ward vorlenghet bet epyphanie Domini negestkomende. Den hebbet ze van beyden syden truweliken lovet to holdende sunder alle arch unde list, alzo de breve dat clarliken utwisen van beydent syden darup ghemaket, de bi dem heren van Munster lecht worden.
