| Nummer:oub3619 | Datum:ca. 1486 | Overlevering:Editie | Vindplaats:Ostfriesisches Urkundenburch, III, S. 158, nr. 619 |
Ostfriesischer Entwurf zu dem Vergleich zwischen Oldenburg und Ostfriesland.
Ostfriesischer Entwurf zu dem Vergleich zwischen Oldenburg und Ostfriesland vom 28. Oktober 1486 (Ostfr. UB. 2 nr. oub1174) mit dem Vermerk von späterer Hand.
Einliegendes sind Punctationes, davon einige in dem Vergleich zwischen Oldenburg und Ostfriesland von 1486 mit begriffen, die meisten aber übergangen seyn.
De eddelen vrowe Thede grevynne unde ore sones greven van Oestvrieslannden eyschen unde denken to hebben van den eddelen greven van Oldenborch und synen sones. Int erste:
Wedder vryg unde qwiit to hebben de dorpe unde kerspele Dryfele, Zetell, Horsten, Eetzele unde Merkese ende Boekelle[*] myd aller herlicheit und rechtycheit, lande, sande, heyde, weyde, wyschen, holtinghen, soe dat van oldynghe dair to gehoert hevet, unde de greven van Oldenborch dair inne to vorlaten alle tosaghe, ghewoenheyden unde rechticheit se dair to unde alduslange meynden ghehatt to hebben. Jodoech beholden de greven van Vrieslannden unde synen gueden mannen in den vorscreven Weede[*] ore rechticheit.
Item den schaeden, den de greven van Oldenborch hebben gedaen van roven, brande ane entsechter veyde unde doetslach ende anderen schaeden wedder betaelt unde belecht der grevynnen unde den greven van Oestvrieslande ane entsechter veyde.
Item uthe den alyngen vreeschen Wede[*] jaerlix unde tiitlix laten to howen tymmer- unde bernholten[*], soe vele men des alle tiid tor Vredeborch[*] behovet ane jemanden hyndere ende sunder toll.
Item dat de greven van Vrieslannden to allen tiiden in den Wede[*] moegen jaeghen effte jaghen laten swyne unde reejacht myd zelen unde fetken[?][*] ane jemanden weddersegghen unde hyndere.
Item dat de greven van Vrieslanden moeghen jaerlix IIhundert swyn laten driven in den Weede[*] in de maeste to allen tiiden, wanneer en ghelevet, unde de vryg ende unghetovet ane schaeden dair wedder uth laten to dryven na oren willen ane jemanden wedderseggen.
Item dat de greven van Oldenborch nicht meer en sollen laten roven toe water unde to lande up undersaten der greven van Vrieslanden unde oek nicht over oer strome, watere unde havene to faren uppe jemant to rovende uth effte wedder to hues. Wen dat men dair over funde en jeghen doende unde men de dair over bekreghe, de dann nae rechte geboerlichen to straffende.
Item oek nicht to staden junckheren Jacope[*], to roven uth haven unde stromen der greven van Oldenborch noch to water effte to lande up undersaten der greven van Oestvrieslannden.
Item alle vorborget ghelt und waringhe van holte effte anders malkem wal to betalen in tiiden und nae wyllen der gheener, den dat vorborghet is, unde dat men de borgen effte schuldener dair myd rechte to sall dryven, we des anders nicht doen en wolde.
Item Johann van Fykensolte synen sone, de II brodere van Apen, Gherd Wencken, Ebbeken Hobbynge, Fyckon Oeltmanns Juriens sone, Syweken Hyssinge, Reyner Willens, Johan Bomes unde Johann Olderoggen tho schatten effte de vorscreven hovelude sollen gheven IICbalken myd spaer und phalleringen etc. holte et lobin.
Item offt jenighe mysdedere, die oer liiff vorboert hedden, vluen uth Vrieslanden in de heerscap Oldenborch effte roverie, deverie, dat men de dair nicht ensall entholden effte behelen, sunder de deverie effte roeff wedder to geven, den de genomen weren, unde behulpelick dairto to wesen myd der macht, den mysdeder oder to andworden den junckheren unde greven van Vriesland.
Item dat oek jemant van heren, steden effte anderen de greven van Vrieslande unde ore lande jegen recht wolden overfallen unde schedighen, dat de greven van Oldenborch dair nicht en wyllen effte en sollen mede to fallen hulpe ende bystand to done unde de oek nicht in orer herscap effte haven to entholden thoe hegende noch dorch de heerscap laten to reysende to perde nocht to voet Vrieslant to beschedighende.
Item de nygen tolle tor Nygenborch, Borchfoerde, Apen[*], etc. wedder aff to setten.
Item Heren Maurizes[*] oerveyde vrig unde quiid unde syne breve wedder unde allen unwillen umme jenich naestandich gelt effte warynge gesoend unde qwiid.
Item Hinrick van Wetbergen unde alle de andere, de mede vyand weren ghewoerden unde in der veyde syn ghewesen mede vorsonet unde ghevredet.
Item de meyere Oeltmanne Juriens unde de anderen to Jerynghove[*], de Syrke[*] plachten to horen, wedder vryg to hebben to der greven besten van Oestvriesland.
Item oek ghene schepe to nemen tor zeewerd unde to water, dar undersaten der greven van Vrieslande gudere mede inne hebben effte hedden.
Item dat de ghefangenen inn holden und malck betale, wes de in den herbergen vorteert hebben und schuldich gebleven synnen.
Item dat malck synen vangh- und sluet-gulden[*] solle mede brengen unde betalen.
Einliegendes sind Punctationes, davon einige in dem Vergleich zwischen Oldenburg und Ostfriesland von 1486 mit begriffen, die meisten aber übergangen seyn.
De eddelen vrowe Thede grevynne unde ore sones greven van Oestvrieslannden eyschen unde denken to hebben van den eddelen greven van Oldenborch und synen sones. Int erste:
Wedder vryg unde qwiit to hebben de dorpe unde kerspele Dryfele, Zetell, Horsten, Eetzele unde Merkese ende Boekelle[*] myd aller herlicheit und rechtycheit, lande, sande, heyde, weyde, wyschen, holtinghen, soe dat van oldynghe dair to gehoert hevet, unde de greven van Oldenborch dair inne to vorlaten alle tosaghe, ghewoenheyden unde rechticheit se dair to unde alduslange meynden ghehatt to hebben. Jodoech beholden de greven van Vrieslannden unde synen gueden mannen in den vorscreven Weede[*] ore rechticheit.
Item den schaeden, den de greven van Oldenborch hebben gedaen van roven, brande ane entsechter veyde unde doetslach ende anderen schaeden wedder betaelt unde belecht der grevynnen unde den greven van Oestvrieslande ane entsechter veyde.
Item uthe den alyngen vreeschen Wede[*] jaerlix unde tiitlix laten to howen tymmer- unde bernholten[*], soe vele men des alle tiid tor Vredeborch[*] behovet ane jemanden hyndere ende sunder toll.
Item dat de greven van Vrieslannden to allen tiiden in den Wede[*] moegen jaeghen effte jaghen laten swyne unde reejacht myd zelen unde fetken[?][*] ane jemanden weddersegghen unde hyndere.
Item dat de greven van Vrieslanden moeghen jaerlix IIhundert swyn laten driven in den Weede[*] in de maeste to allen tiiden, wanneer en ghelevet, unde de vryg ende unghetovet ane schaeden dair wedder uth laten to dryven na oren willen ane jemanden wedderseggen.
Item dat de greven van Oldenborch nicht meer en sollen laten roven toe water unde to lande up undersaten der greven van Vrieslanden unde oek nicht over oer strome, watere unde havene to faren uppe jemant to rovende uth effte wedder to hues. Wen dat men dair over funde en jeghen doende unde men de dair over bekreghe, de dann nae rechte geboerlichen to straffende.
Item oek nicht to staden junckheren Jacope[*], to roven uth haven unde stromen der greven van Oldenborch noch to water effte to lande up undersaten der greven van Oestvrieslannden.
Item alle vorborget ghelt und waringhe van holte effte anders malkem wal to betalen in tiiden und nae wyllen der gheener, den dat vorborghet is, unde dat men de borgen effte schuldener dair myd rechte to sall dryven, we des anders nicht doen en wolde.
Item Johann van Fykensolte synen sone, de II brodere van Apen, Gherd Wencken, Ebbeken Hobbynge, Fyckon Oeltmanns Juriens sone, Syweken Hyssinge, Reyner Willens, Johan Bomes unde Johann Olderoggen tho schatten effte de vorscreven hovelude sollen gheven IICbalken myd spaer und phalleringen etc. holte et lobin.
Item offt jenighe mysdedere, die oer liiff vorboert hedden, vluen uth Vrieslanden in de heerscap Oldenborch effte roverie, deverie, dat men de dair nicht ensall entholden effte behelen, sunder de deverie effte roeff wedder to geven, den de genomen weren, unde behulpelick dairto to wesen myd der macht, den mysdeder oder to andworden den junckheren unde greven van Vriesland.
Item dat oek jemant van heren, steden effte anderen de greven van Vrieslande unde ore lande jegen recht wolden overfallen unde schedighen, dat de greven van Oldenborch dair nicht en wyllen effte en sollen mede to fallen hulpe ende bystand to done unde de oek nicht in orer herscap effte haven to entholden thoe hegende noch dorch de heerscap laten to reysende to perde nocht to voet Vrieslant to beschedighende.
Item de nygen tolle tor Nygenborch, Borchfoerde, Apen[*], etc. wedder aff to setten.
Item Heren Maurizes[*] oerveyde vrig unde quiid unde syne breve wedder unde allen unwillen umme jenich naestandich gelt effte warynge gesoend unde qwiid.
Item Hinrick van Wetbergen unde alle de andere, de mede vyand weren ghewoerden unde in der veyde syn ghewesen mede vorsonet unde ghevredet.
Item de meyere Oeltmanne Juriens unde de anderen to Jerynghove[*], de Syrke[*] plachten to horen, wedder vryg to hebben to der greven besten van Oestvriesland.
Item oek ghene schepe to nemen tor zeewerd unde to water, dar undersaten der greven van Vrieslande gudere mede inne hebben effte hedden.
Item dat de ghefangenen inn holden und malck betale, wes de in den herbergen vorteert hebben und schuldich gebleven synnen.
Item dat malck synen vangh- und sluet-gulden[*] solle mede brengen unde betalen.
