| Nummer:par239 | Datum:23 febr. 1469 | Overlevering:Origineel | Vindplaats:Arch. Parochiekerken, inv.nr. 0035, reg. 239 |
Burgemeesteren en Raad in Groningen oorkonden, dat Peter Goltsmyt ten Damme voor hen verklaarde verkocht en overgedragen te hebben aan de voogden van Sunte Mertenskerk, al zijn goederen, met bepaling dat de eventueele bate zal komen aan voogden van genoemde kerk, 'voer enen ewygen testamente'.
Wy borgermestere ende Raed in Groningen betugen myt dessen openen breve dat voer ons is gekomen Peter
goltsmyt ten Damme ende bekande dat hie voer em ende sine erffgenamen hevet verkofft upgedragen ende
overgegeven den vogeden indertijt van sunte Mertens kercke in onser stad tot behoeff der kercken vors. alle sine
guedere golf syulver gemuntet ende ongemuntet repplijck ende onrepplyck wo offte waeran offte waer de gelegen
sint sie hie nu ter tyt hefft offte em ankommen mogen vry ende quyt erffliken ende ewliken to bruken ende to
besitten myt allen rechten ende eygendoeme voer ene summe geldes die Peter vorgen bekande dat em vull ende all
is betaelt Myt vorwerden offte desse vorgen. guedere beter waren offte worden dan de summe die daer voer
gegeven is so dat de vrenden Peters vors. offte anders yemant daer naerkoep van dochten offte mochten bereden
myt rechte soe wes die guedere ende koop vorgen. dan offte nu beter is offte sint dat ghunnet ende ghijfft Peter
vors. den vogeden tot behoeff der kercken vors. omme godes wyllen voer enen ewygen testamente ende mede
omme waldaet wyllen Peter vors. bekande em dair voer bewyset ende gedaen is. Also dat die vogeden indertyt de
guedere vors. all dan up den utersten penning solden ende mochten rekenen ende weer dieren Ende die em dan laten
betalen offte daer yemant myt naerkoep myt rechte an komen mochte van den genen die dan hebben wolden offte
mochten sunder argelist. Dat Orkonde wy myt onser stad zegell Ghegeven inden jair ons heren dusent vierhundert
negenende tsestich up sunte Mathias Avent apostoli doe Henric Baroldes, Gosen vanden Grave, Otto ter Hanzow
ende Johan Tedema borgermestere waeren onsen stad.
goltsmyt ten Damme ende bekande dat hie voer em ende sine erffgenamen hevet verkofft upgedragen ende
overgegeven den vogeden indertijt van sunte Mertens kercke in onser stad tot behoeff der kercken vors. alle sine
guedere golf syulver gemuntet ende ongemuntet repplijck ende onrepplyck wo offte waeran offte waer de gelegen
sint sie hie nu ter tyt hefft offte em ankommen mogen vry ende quyt erffliken ende ewliken to bruken ende to
besitten myt allen rechten ende eygendoeme voer ene summe geldes die Peter vorgen bekande dat em vull ende all
is betaelt Myt vorwerden offte desse vorgen. guedere beter waren offte worden dan de summe die daer voer
gegeven is so dat de vrenden Peters vors. offte anders yemant daer naerkoep van dochten offte mochten bereden
myt rechte soe wes die guedere ende koop vorgen. dan offte nu beter is offte sint dat ghunnet ende ghijfft Peter
vors. den vogeden tot behoeff der kercken vors. omme godes wyllen voer enen ewygen testamente ende mede
omme waldaet wyllen Peter vors. bekande em dair voer bewyset ende gedaen is. Also dat die vogeden indertyt de
guedere vors. all dan up den utersten penning solden ende mochten rekenen ende weer dieren Ende die em dan laten
betalen offte daer yemant myt naerkoep myt rechte an komen mochte van den genen die dan hebben wolden offte
mochten sunder argelist. Dat Orkonde wy myt onser stad zegell Ghegeven inden jair ons heren dusent vierhundert
negenende tsestich up sunte Mathias Avent apostoli doe Henric Baroldes, Gosen vanden Grave, Otto ter Hanzow
ende Johan Tedema borgermestere waeren onsen stad.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0035 |
| Regestnr. | 239 |
| Register Feith | 1469.019 |
| Jaar | 1469 |
| Datumcode | vMatthi |