| Nummer:par376 | Datum:28 maart 1489 | Overlevering:Origineel | Vindplaats:Arch. Parochiekerken, inv.nr. 0177, reg. 376 |
Helprick Hibboldinge, redge to der Legerkercken doet uitspraak, met instemming van zijn weddemans, in het geschil tusschen Arent en Rickolt gevolmachtigden van Eevert Schomakers en van de zoons van wijlen Fenne eischers en Nannynck, meijer van de voogden van O.L.V. kerk ter Ae, met betrekking tot de huur van 11 grazen land, bij den laatste in huur, in voege dat de huur aan de Akerkvoogden toekomt.
Ick Helprick Hilboldinge nu ter tijt Redge to der Legerkerken bekenne myt deser scrijft Dat voer my in den rechte
to Legekerken sint gekomen Arent ende Rikolt vulmachtich van wegen saligen Eevert schomakers ende salige
Fennens sone clagende up Nannynck der vogeden meyer van onser lever vrouwen kerken ter Ae in onser Stad
umme de hure van elven grasen landes de Nannynck in de hure heft ende brukende ys etc. waer de vogeden
weder up geantwert hebben van Nannynge ores meyers wegen Dat se dat land ende de hure van desen veledenen
jaer seer der tijt dattet em geweest ys voer ore holden na inholt segel ende breven daer af inden rechte getoent synt
So dat beyde perten daer up by clage ende antwert ick daer af ontfangen hebbe ende gheblen sijnt Ende sint daer af
ellick enen doem begherende So Hebbe Ick Helprick vorscr. god voer ogen genomen myt berred gueder manne
ende wijse voer recht ende enen doem by concete myne roeddemans den vogeden vorscr. de hure to van desen
verledenen jaere seerdertijt dattet vorscr. land ore ijs geweest na inholt deer besegelden breven de Ick mede gued
ende in deer macht kenne na deen se nyet genochsam gestraffet en synt mede angesyen als de vogeden mede
voer em nemen dat Eeverdes erfgenamen noch Fennens soene totten den lande nyet en boert na lantrechte vorder
dan Fenne by oren levende Eeverde vorscr. daer van gegunt ende to gestaen heft ter lijftucht ende sye dat by oren
levende selven mede vertegen heft gedoemt ende overgegeven in den jare van LXXXIX saterdages to mytvasten. DORSO: Supplem. n. 1010
to Legekerken sint gekomen Arent ende Rikolt vulmachtich van wegen saligen Eevert schomakers ende salige
Fennens sone clagende up Nannynck der vogeden meyer van onser lever vrouwen kerken ter Ae in onser Stad
umme de hure van elven grasen landes de Nannynck in de hure heft ende brukende ys etc. waer de vogeden
weder up geantwert hebben van Nannynge ores meyers wegen Dat se dat land ende de hure van desen veledenen
jaer seer der tijt dattet em geweest ys voer ore holden na inholt segel ende breven daer af inden rechte getoent synt
So dat beyde perten daer up by clage ende antwert ick daer af ontfangen hebbe ende gheblen sijnt Ende sint daer af
ellick enen doem begherende So Hebbe Ick Helprick vorscr. god voer ogen genomen myt berred gueder manne
ende wijse voer recht ende enen doem by concete myne roeddemans den vogeden vorscr. de hure to van desen
verledenen jaere seerdertijt dattet vorscr. land ore ijs geweest na inholt deer besegelden breven de Ick mede gued
ende in deer macht kenne na deen se nyet genochsam gestraffet en synt mede angesyen als de vogeden mede
voer em nemen dat Eeverdes erfgenamen noch Fennens soene totten den lande nyet en boert na lantrechte vorder
dan Fenne by oren levende Eeverde vorscr. daer van gegunt ende to gestaen heft ter lijftucht ende sye dat by oren
levende selven mede vertegen heft gedoemt ende overgegeven in den jare van LXXXIX saterdages to mytvasten. DORSO: Supplem. n. 1010
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0177 |
| Regestnr. | 376 |
| Register Feith | 1489.026 |
| Jaar | 1489 |
| Datumcode | SaLetare |