Burgemeesteren en Raad in Gronijngen oorkonden, dat Henrick Mudder voor hen verklaarde verkocht en overgedragen te hebben aan Lambert Raven een jaarlijksche rente van zes Arnhemsche gulden te beuren uit zijn huis en hofstede met toebehooren aan de Westzijde in Ebbinghestrate; met bepaling omtrent wederinkoop dezer rente.

Wy Borgermeistere ende Raedt in Gronyngen betugen mit dessen openen breve dat voer ons is gekomen Henrick
Mudder ende bekande voer em ende synen erffgenamen dat he hevet verkofft opgedragen ende overgegeven
Lambert Raven ende sinen erffgenamen Ses arnemsen gulden Erfflicker renten teijn onser Stadt stuvers op datum
dessen breves gemuntet voer elken gulden gerekent jaerlix alse een Stadt recht is To boren ende to manen uut sijnen
huuse mitter hoffstede achter ende voer mit alle sinen tobehoren gelegen an de west syde in Ebbinghe strate daer
Johan scherenslipers huus naest by licht an de suuder sydt ende zalige meister Albert baertscherers
huus ande noerder sijdt Vry ende quyt erfflicken vry daer uut to waeren voer ene somme geldes de Henrick vorscr.
bakade dat hem vul ende al is betaelt Hyr is to gesproken dat Henrick vorscr. offte sine erffgenamen desse ses
arnemsen gulden renten vorscr. mogen weder aff vry ende quyt kopen tot allen tyden wanneer em dat best belevet
mit hondert arnemsen gulden vorscr. payments ende mitter vuller rente sonder argelist dat Oerkonde wij mit onser
Stadt Segel Ghegeven inden jaer ons heren dusent vierhondert ende Tweendetnegentich op sunte Mauricius dach
mit sinen gesellen Do Garmet Allema, Roleff Mepsche, Herman Lewe ende These Jarghes Borgermeistere waeren
onser Stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0423
Regestnr.	403
Register Feith	1492.020.1
Jaar	1492
Datumcode	Maurit

x

x

x

x

Materiaal	perkament