Burgemeesteren en Raad in Groningen oorkonden, dat heer Egbert, broeder van wijlen Grete Eggens en haar biechtvader, heer Johan van Herdenberch, priester to Sunte Merten voor hen verklaarden, dat Grete'voer enen ewige testamente'besproken en overgedragen had al-se Grete vorg. belijct hadde in oeren laesten 'aan kerkheeren en gemeene priesters van St. Mertens en St. Walborgc kerk, aan de voogden van St. Mertenskerk ten behoeve 'der tymmeringc 'en procuratoren der Armen Huissitten de jaarl. rente, waarvan de brief spreekt, waardoor deze brief getransfigeerd is, en verder het naburig 'dwershuus in Botteringestrate', met dien verstande, dat voogden van voornoemde kerk, en procuratoren beide een jaarlijksche rente van 6 gulden zullen beuren, terwijl kerkheeren en priesters het overblijvende zullen ontvangen onder de verplichting voor Grete te bidden en op haar jaargetijde - naar luid van een anderen brief dienaangaande - haar te begaan.

Wy Borgermeistere ende Raed in Groningen betugen myt dessen openen breve dat vor ons sint gekomen her Egbert
salige Grete Eggens broder ende her Johan van Herdenberch prester to sunte Merten in onser stad Gretens vorscr.
bichtvader in oeren laesten Ende bekanden dat se voer enen ewigen testamente voer oer ende oere vrende sielen
salicheit hadde besproken upgedragen ende overgegeven den kerkers ende gemenen priesters van sunte Mertens
ende sunte Walborge kerken in onser stad ende den vogeden van de selve sunte Mertens kerke tot behoeff der
tymmeringe Ende den procuraetoeres der armen huussitten in onser stad. tot behoeff der armen vorscr.
vierendetwintich arnemsen gulden jaerlike renten na luede eens brieffs den Ditmer Rengers to Dyke besegelt hefft
inden jaer van tnegentich den Grete vorscr. den priesters overgegeven hadde daer dessen brieff door getogen is
Beth hadde Grete vorscr. gegeven den selven kerkers priesters ende vogeden vorgen. een dwershuus in Botteringe
strate dat salige her Johan Rengers hadde laten tymmeren myt eenre kamere aldernaest den steenhuusen gelegen na
luede ener Copien eens breves den her Johan Rengers vorscr. besegelt solde hebn Inden jaere van enendetsoventich
daer Dytmer Rengers vorscr. een principael brieft van hebn solde alse Grete vorgen. belyt hadde in oeren laesten so
her Egbert ende her Johan vorscr. dat voer ons bekanden Soe to vorstaen dat de kerkers pristers ende vogeden
vorscr. to samen de vorscr. guederen sullen manen Ende alsdan sullen van den alingen guederen vorscr. de vogeden
van sunte Mertens kerke hebben ses gulden rente offte hundert arnemsen gulden eens Ende de vogeden offte
procuraetores der armen huussitten des gheliken ses arnemsen gulden jaerlic rente of te hundert gulden eens Ende
wat daer dan van overblivet vanden alingen guederen sullen de kerkers ende priesters vorscr. hebben ende
beholden eweliken ende erffliken vor Greten vorscr. to bidden Ende up oer starff dach drie memorien na luede eens
anderen breven daer up gemaket holden ende begaen So her Egbert vorscr. alse Gretens vorscr. arffgenamen dat als
vorscr. is voer ons belevede ende to stunt sunder argelist. Dat Orkunde wy myt onser Stadt Segel Ghegeven inden
jaer ons heren dusentvierhundert sovenendetnegentich up sunte Poncien martiris Doe Tetze Jarges, Bartelt ten
Grave, Bernt Konrades ende Ludeken Horneke Borgermeistere waeren onser Stad.
DORSO: nu Eltsabeth Potthast in Botteringestrate.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0365
Regestnr.	438
Register Feith	1497.014.2
Jaar	1497
Datumcode	vPontia

x

x

x

x

Materiaal	perkament