| Nummer:par497 | Datum:7 sept. 1502 | Overlevering:Origineel | Vindplaats:Arch. Parochiekerken, inv.nr. 0107, reg. 497 |
Burgemeesteren en Raad in Groningen oorkonden, dat Henrick van Osenbrugge en Bele echtel. voor hen verklaarden verkocht en overgedragen te hebben aan de procuratoren of procuraterschen van het Onser liever Vrouwen ter Noet altaar ' dat nu nijes getimmert is' deels tot 'syringc'deels tot het onderhoud van het altaar 4 kamers, waarvan 3 gelegen zijn binnen het stadsbolwerk voor Oesterpoerte en de 4e door hen zelf bewoonde buiten Oester Nije poerte ten westen der 'stat strate'en al hun overige goederen.
Wy Borgermestere ende Raad in Groningen betugen myt dessen openen breve dat vor ons sint gekomen Henrick
van Osenbrugge ende Bele syn echte huusfrouwe ende bekande myt guden wyllen ende voerbedachten moede vor
em ende oeren erffgenamen dat se hebn verkofft, upgedragen ende overgegeven den procuratoeres offte
procuraterschen van onser liever vrouwen oltaer ter noet dat nu nyes getymmert is gelegen ande suder syde in sunte
Mertens kerke ende oeren nakomelingen procuratoeren tot behoeff des altaers vors. vier kameren daer aff de dre
gelegen sint bynnen onser Stat bolwerke voer Oester poerte in Coppyn Jarichs hoft daar Iohan van Tekenborch
naast by ter swette licht up de norderzyd ende Oesterstrate ande oesterzyd Ende de veerde kamere buten
Oosternyepoerte up Hardebringks thuenlant daer Henrick ende Bele vors. nu ter tyt selven inne wonen daer
Roltemans volk up de wester zyt. de statstrate ande oester zyd ende dat stat diep ande norderzyd naest by ter swette
liggen Ende voert alle Hinricks ende Belens vors. ander guet woe ende waer offte waer an dat gelegen mach wesen
dat se nu ter tyt hebn offte in to komenden tyden verarven ende allent was se unde oeren levende nalatende worden
neet daer van uutgenomen, vry ende quyt erffliken ende eweliken toe bruken ende toe besitten oeren vryen willen
daer mede te doende tot behoeff syringe ende noetdrufft des vors. oltaers. So to vorstaen dat een part van den vors.
guede sall komen ende wesen tot behoeft der tymmeringe des vors. oltaers, een pard tot onsen lieven vrouwen loff
ende een pard was den vors. oltaer van noden wesen sall. Voer ene summa geldes de Henrick ende Bele vors.
bekande dat em vuil ende all is betaelt Des so solen ende willen de vors. procuratoeres ende procuratoerschen
Henrick ende Bele vorgen. hoer nutinge ende kerken recht alst gewoentlick is eerliken bewaeren sunder argelist.
Dat Orkonde wy myt onser Stat Segel Ghegeven inden jaere ons heren dusent vyffhundert ende twe up onser liever
vrouwen avent toe vrymarckt Nativitatis do Hermen Lewe, Tese Yarges, Johan Scaffer ende Goerd Conrades
Borgermestere waeren onser Stadt.
van Osenbrugge ende Bele syn echte huusfrouwe ende bekande myt guden wyllen ende voerbedachten moede vor
em ende oeren erffgenamen dat se hebn verkofft, upgedragen ende overgegeven den procuratoeres offte
procuraterschen van onser liever vrouwen oltaer ter noet dat nu nyes getymmert is gelegen ande suder syde in sunte
Mertens kerke ende oeren nakomelingen procuratoeren tot behoeff des altaers vors. vier kameren daer aff de dre
gelegen sint bynnen onser Stat bolwerke voer Oester poerte in Coppyn Jarichs hoft daar Iohan van Tekenborch
naast by ter swette licht up de norderzyd ende Oesterstrate ande oesterzyd Ende de veerde kamere buten
Oosternyepoerte up Hardebringks thuenlant daer Henrick ende Bele vors. nu ter tyt selven inne wonen daer
Roltemans volk up de wester zyt. de statstrate ande oester zyd ende dat stat diep ande norderzyd naest by ter swette
liggen Ende voert alle Hinricks ende Belens vors. ander guet woe ende waer offte waer an dat gelegen mach wesen
dat se nu ter tyt hebn offte in to komenden tyden verarven ende allent was se unde oeren levende nalatende worden
neet daer van uutgenomen, vry ende quyt erffliken ende eweliken toe bruken ende toe besitten oeren vryen willen
daer mede te doende tot behoeff syringe ende noetdrufft des vors. oltaers. So to vorstaen dat een part van den vors.
guede sall komen ende wesen tot behoeft der tymmeringe des vors. oltaers, een pard tot onsen lieven vrouwen loff
ende een pard was den vors. oltaer van noden wesen sall. Voer ene summa geldes de Henrick ende Bele vors.
bekande dat em vuil ende all is betaelt Des so solen ende willen de vors. procuratoeres ende procuratoerschen
Henrick ende Bele vorgen. hoer nutinge ende kerken recht alst gewoentlick is eerliken bewaeren sunder argelist.
Dat Orkonde wy myt onser Stat Segel Ghegeven inden jaere ons heren dusent vyffhundert ende twe up onser liever
vrouwen avent toe vrymarckt Nativitatis do Hermen Lewe, Tese Yarges, Johan Scaffer ende Goerd Conrades
Borgermestere waeren onser Stadt.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0107 |
| Regestnr. | 497 |
| Register Feith | 1502.012 |
| Jaar | 1502 |
| Datumcode | vNatMar |