Burgemeesteren en Raad in Groningen oorkonden, dat zij op verzoek van eenige rentenhouders uit het huis, de stalling, hofstede en toebehooren van Ghese Barols gelegen aan de noordzijde van der Langerstraten en aan de westzijde van den 'Rechten Jathe' o.a. ten Oosten van Sicke Bennynghc de drie achtereenvolgende kerkenkondigingen hebben laten doen, waarop Ffye Huginge, St. Ghertrud gatshues, Hilbert Dunker, Bolo Benekens, Evert Bolens en Bolo Benekens, de voogden to St. Merten, St. Annenghasthues, de voogden ter Ae, hun rentebrieven - sommige meerdere - op de stadschrijfkamer hebben laten aanteekenen, dat zij vervolgens het genoemde huis c.a. op 455 Arnhemsche gulden 'gesat 'hebben, welke som alleen de voogden van O.L.V. ter Aekerk in de volgende drie kerkenkondiging geboden hebben, en dat zij daarop voornoemde voogden tegen de genoemde som in den eigendom van het genoemde huis c.a. onder vermelde verplichtingen gesteld hebben.

Wy Borgermeistere ende Reed in Groningen betugen mikt dessen openen breve dat voer ons sint ghekomen een
deel der renteners de renten hebben uut Ghese Barols husinghen mit de stallinge daer achter ende hoere hofsteden
achter ende voer mit alle sinen to behoeren gelegen an de norder zyd vander Langer straten ende ande westersyd
van den Rechten Jathe daar Sicke Bennynghe naast by ter swette licht up de wester syd ende Styne Wessels up de
oester syd ende becroende sich wo dat hues mit sinen to behoeren voer de renten staende bleve also dat se
oere renten daer neet uut manen noch bekomen en konden ende weren van ons stad rechts begerende. So hebben
wy dat vors. hues mit sinen to behoeren tot dren sondagen by onsen stad knechten over de kerken laten kondigen
we daer renten uut hadde de solde komen in onse stad scryffkamer mit sinen breven by onsen stad schrende laten
sine tekenen elk nae sinen breven de des neet en dede daer wolde de raed nn ghene claghe van hoeren So sint
gekomen Ffye Huginge ende Sunte Ghertrud gasthues mit dre olde franxsche schilden renten offte payment dat
daer gued voer is, datum deusent veer hundert veerende dertich in Sunte Agaten daghe. Item Hilbrant Duncker
.......gulden erfflicker renten teyn onser stad vlegers, ses onser stad placken voer den vleger, voer datum des breves
ghemuntet voer elken gulden gherekent offte payment dat daer guet voer is, datum dusent veer hundert veerende
tachtentich des saterdages na Sunte Urbanusdach. Item sunte Gertrude Gasthues anderhalff rynsen gulde renten
datum dusent veerhundert achtende veertich als se seggen. Item B.....o Benekens vyff arnemse gulden renten vyff
onser stad jaghers offte teyn onser stad vlegers voer datum des breves gemuntet offte payment dat daer gued voer is
voer elken gulden gerekent, datum dusent veerhundert eenendetsestich des saterdages voer sunte Andreas dach.
Item Evert Bolens ende Bolo Benekens elven arnemsen ghulden ende teyn krumsterte renten als se seggen. Item de
vogeden to Sunte Merten vyff oert guldens als se seggen. Item sunte Annen ghasthues enen arnemsen gulden renten
teyn onser stad vlegers voor datum des breves ghemuntet offte payment dat daer guet voer is, voor elken gulden
gherekent, datum dusent veerhunder sovendende vufftich des vridages na sinte Petersdach ad vincula Item sinte
Annen ghasthues enen halven arnemsen gulden renten vyff onser stad vlegers, voer datum des breves ghemuntet
offte payment dat daer gued voer is, voer den halven ghulden gerekent, datum dusent veerhundert
negenendevyfftich des wondesdages voer Sunte Gregorius. Item de vogeden ter Ae ses arnemsen gulden renten
teyn stat stuvers ses placken voer de stuver, voer elcken gulden gerekent offt payment dat daar goed voer is, datum
dusend veerhonderd sesendetachtendich des vridages na den sondach Lletara als se seggen. Item Bolo
Senekens vyff gulden renten soventeyn butkens offte payment dat daar gued voer is, voor elke gulden gerekend,
datum dusent veerhundert achtendeveertich des sondages voer Assumpcionis Marie. Item Bolo vors. bet ses
arnemse gulden renten teyn onser stad vlegers, vor datum des breves ghemuntet offte payment dat daer gued voer
is, voer elken gulden gerekend, datum dusent veerhundert sovenendevyfftich up sunte Valentyns dach. So en is
daeranders nement ghekomen bynnen der tyd de mede gekondighet word. So is dat voers. hues mid siren to
behoeren up ghelt gesat als up vyfftehalff hundert arnemsen gulden ende vyff arnemsen gulden teyn onser stad
stuvers voer datum des braves ghemuntet offte payment dat daer gued voer is, voer elken gulden gerekent. Dat oeck
tot dren sondagen over de kerken ghekondget is by onsen stad knechten offte ement daer meer voer gheven wolde
dat de by den Raed ........ bynnen der tyd de mede ghekondiget word de wolde de Raed daer inne bevestigen.
So sint gekomen de vogeden van onser liever Vruewen ter Ae kerke in onser stad ende hebben de vors. summe daer
voer gheboden to gheven ende wolden den oldesten renteners de den inde vors. summe mede komen mochten
jeerlix na oeren breven vernogen ende betalen so voer sich de vors. summe streckende is. Alsdan daer nement
gekomen is de so voele offte meer voor dat vorg. hues mid sinen toe behoeren gheboden hevet to gheven als de
vogeden voers. daer voer gheboden hebben to gheven ende wolden van alle achterstallinge renten ende breven
onbelastet wesen anders dan vors. is. So wysen ende bevestigen wy de vogeden voers. ende hoeren nacomelingen
up de voers. summe inden eygendoem des huses ende stallingen middar hofstede achter ende voer mid alle sinen to
behoeren vry ende quyt, erffliken ende eweliken to bruken ende toe besitten up de vors. summe deer van toe
doende als vors. is ende van allen anderen anspraken ende achterstallich onbelastet to bliven, sunder arghelist. Dat
orkonde wy mit onser stad zeghel. Gegeven inden jaere ons heren dusent vyffhundert ende soven des saterdages to
Paeschachten, doe Hermen Lewe, Ghese Jarghes, Luloff Conrades ende Roloff Borgermeistere waren onser Stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0221
Regestnr.	559
Register Feith	1507.002
Jaar	1507
Datumcode	SaQuaMod

x

x

x

Materiaal	perkament